Visit:
Maharaaja Movie | టాలీవుడ్ హీరో అల్ల‌రి న‌రేష్ కెరీర్‌లో బ్లాక్ బ‌స్ట‌ర్ హిట్ అంటే గుర్తోచ్చే చిత్రం సుడిగాడు. సెటైరిక‌ల్ కామెడీ ఎంట‌ర్‌టైన‌ర్‌గా వచ్చిన ఈ చిత్రం మంచి విజ‌యాన్ని అందుకుంది. అయితే ఈ సినిమాకు సంగీతం మంచి ప్ల‌స్ అయిన విష‌యం తెలిసిందే. శ్రీ వసంత్ ఈ సినిమాకు సంగీతం అందించాడు. ఇక ఈ సినిమా అనంత‌రం ప‌లు సినిమాల‌కు సంగీత ద‌ర్శ‌కుడిగా పని చేశాడు. అయితే శ్రీ వసంత్ తాజాగా రచయితగా మారాడు.
త‌మిళ విలక్షణ నటుడు విజయ్ సేతుపతి హీరోగా నిధిలన్ స్వామినాథన్ దర్శకత్వంలో వచ్చిన చిత్రం మహారాజ. ఈ చిత్రం నేడు ప్రేక్షకుల ముందుకు వ‌చ్చింది. అయితే ఈ సినిమాకు శ్రీ వసంత్ మాట‌ల‌తో పాటు పాటలు కూడా రాశారు.
మహారాజ సినిమాలోని “అమ్మ నీకే నాన్నయ్యనా” అంటూ సాగే పాటలు శ్రీ వసంత్ స్వరాలు పాపులర్ అయ్యాయి, అజనీస్ లోకనాధ్ సంగీతం పాటకు మరో బిగ్ అసెట్. మహారాజ సినిమాకు విడుదలైన అన్ని చోట్ల మంచి రెస్పాన్స్ లభిస్తోంది, అలాగే మహారాజ రివ్యూస్ లో మాటలు, పాటల గురించి కూడా పాజిటీవ్ గా ప్రస్తావించారు. విజయ్ సేతుపతి నటించిన 50వ సినిమాగా ప్రేక్షకుల ముందుకు వచ్చిన మహారాజ ఆసక్తికరమైన క్రైమ్ థ్రిల్లర్ గా ప్రేక్షకులను అలరిస్తోంది. ఒక మంచి సినిమాకు మాటలు, పాటలు రాయడం సంతోషాన్ని కలిగిస్తుందని శ్రీ వసంత్ తెలిపారు. శ్రీ వసంత్ స్వీయ డబ్బింగ్ కంపెనీ “పోస్ట్ ప్రో మీడియా వర్క్స్” లో మాజరాజ సినిమా డబ్ అవ్వడం జరిగింది అలాగే మంచి విజయం సాధించిన కార్తికేయ 2 కూడా పోస్ట్ ప్రో మీడియా వర్క్స్ లో డబ్ అవ్వడం విశేషం.
