Visit:
Tollywood | బాహుబ‌లి సినిమాలో భ‌ళ్లాల‌దేవుడిగా న‌టించి దేశ వ్యాప్తంగా మంచి పేరు ప్ర‌ఖ్యాత‌లు అందుకున్నాడు రానా ద‌గ్గుబాటి. ఈ మధ్య మ‌నోడి కెరీర్ కాస్త గాడి త‌ప్పింది. దీంతో సైలెంట్ అయ్యాడు. ఇప్పుడు నిర్మాత‌గా వైవిధ్యమైన సినిమాల‌తో అల‌రిస్తున్నాడు. అయితే రానా తండ్రి కాబోతున్నాడంటూ కొన్నాళ్లుగా నెట్టింట అనేక వార్తలు హ‌ల్‌చ‌ల్ చేస్తున్నాయి. కొన్ని నెల‌ల క్రితం రానాకి తండ్రి ప్ర‌మోష‌న్ ద‌క్క‌నుంది అంటూ ఆ వార్త‌ని కొంద‌రు వైర‌ల్ చేస్తుండ‌గా, వ‌రుణ్ తేజ్- లావ‌ణ్య‌లు త్వ‌ర‌లో మేము త‌ల్లిదండ్రులు కాబోతున్నామ‌ని ప్ర‌కటించారు. దాంతో రానా ఇష్యూ మ‌రుగున‌ప‌డింది.
తాజాగా మిహికా బజాజ్ ఫొటోని హైలైట్ చేస్తూ రానా త్వ‌ర‌లో తండ్రి కాబోతున్న‌ట్టు ప్ర‌చారాలు చేస్తున్నారు. మిహికా త‌న సోష‌ల్ మీడియాలో షేర్ చేసిన పిక్‌లో త‌న పొట్ట‌పై చేయి పెట్టుకొని జ‌స్ట్ ఫెల్ట్ లైక్ ఇట్ అనే క్యాప్షన్ జోడించింది. ఈ పోస్ట్ చూసిన నెటిజ‌న్స్.. మ‌హికా ప్ర‌గ్నెంట్ అని త్వ‌ర‌లోనే రానా తండ్రి కాబోతున్నాడంటూ కామెంట్స్ చేస్తున్నారు. కొంద‌రు అయితే కంగ్రాట్స్ అంటూ త‌మ బెస్ట్ విషెస్ తెలియ‌జేస్తున్నారు. ఇక మిహికా బజాజ్ విష‌యానికి వ‌స్తే ఆమె హైదరాబాద్‌కు చెందిన ఎంటర్‌ప్రెన్యూర్. ‘డ్యూ డ్రాప్ డిజైన్ స్టూడియో’ అనే ఈవెంట్ మేనేజ్‌మెంట్ కంపెనీ స్థాపకురాలిగా, ముంబై – హైదరాబాద్‌ల్లో ప్రముఖ వెడ్డింగ్ ప్లానర్‌గా తనకంటూ ప్రత్యేక గుర్తింపు తెచ్చుకున్నారు. బాలీవుడ్ ప్రముఖులతోనూ మిహికాకు మంచి సంబంధాలు ఉన్నాయి.
కరోనా టైమ్ లో హౌస్ పార్టీ యాప్‌ను డౌన్ లోడ్ చేసుకున్న రానా అందులో తెలిసినవాళ్లందరిని కూడా యాడ్ చేసుకున్నాడట. అలా ఓ సారి మిహికా పరిచయం కాగా, వారంలోనే రానా ఆమెకి ప్రపోజ్ చేయడంతో షాక్ అయిందట మిహిక. నిజంగానే చెప్పాడా లేకుంటే ప్రాంక్ చేస్తున్నాడా అని ముందు సందేహం వ్య‌క్తం చేసింద‌ట మిహిక. ఆ త‌ర్వ‌త తాను పెళ్లి చేసుకుంటా అని క్లారిటీ ఇచ్చాడట రానా. దాంతో ఈ విష‌యాన్ని పెద్ద‌ల‌కు చెప్పి కరోనా టైమ్‌లో కొద్ది మంది స‌న్నిహితుల మధ్య పెళ్లి చేసుకున్నారు. కాగా, రానా – త్రిష మధ్య రిలేషన్‌షిప్ ఉంద‌ని అప్ప‌ట్లో జోరుగా ప్ర‌చారాలు సాగిన విష‌యం తెలిసిందే. మిహికాతో పెళ్లి త‌ర్వాత ఆ పుకార్ల‌న్నింటికి పులిస్టాప్ ప‌డింది.
View this post on Instagram
