Tiger-3 Movie | సల్మాన్‌ ఖాన్ కొత్త సినిమా నుంచి మ్యూజికల్ అప్‌డేట్‌..!

Tiger-3 Movie | మూడు రోజులు ముందు రిలీజైన టైగర్‌-3 ట్రైలర్‌ హిందీ ప్రేక్షకులనే కాదు తెలుగు ఆడియెన్స్‌కు విపరీతంగా నచ్చేసింది. ఇరవై ఏళ్ల జీవితాన్ని భారతదేశం కోసం అర్పించిన ఓ స్పై ఏజెంట్‌ను దేశ ద్రోహి అంటూ ముద్ర వేస్తే..

Tiger-3 Movie | మూడు రోజులు ముందు రిలీజైన టైగర్‌-3 ట్రైలర్‌ హిందీ ప్రేక్షకులనే కాదు తెలుగు ఆడియెన్స్‌కు విపరీతంగా నచ్చేసింది. ఇరవై ఏళ్ల జీవితాన్ని భారతదేశం కోసం అర్పించిన ఓ స్పై ఏజెంట్‌ను దేశ ద్రోహి అంటూ ముద్ర వేస్తే.. తనపై పడిన ముద్రను చెరిపేసుకోవడానికి తనకు క్యారెక్టర్‌ సర్టిఫికేట్‌ ఇవ్వాలని దేశాన్ని కోరాడం, అంతవరకు దేశం కోసం పోరాడుతూనే ఉంటానంటూ చెప్పడం వంటివి ఆడియెన్స్‌లో ఉత్కంఠ రేకెత్తించాయి. దీపావళి కానుకగా రిలీజ్ కాబోతున్న ఈ సినిమాపై ఇప్పటి నుంచే మేకర్స్ బ్యాక్ టు బ్యాక్ అప్‌డేట్‌లు ప్రకటిస్తూ సినిమాపై మంచి ఇంట్రెస్ట్‌ను క్రియేట్ చేస్తున్నారు.

తాజాగా ఈ సినిమా నుంచి ఫస్ట్ సింగిల్ ప్రోమోను రిలీజ్ చేశారు. లేకు ప్రభు కా నామ్ అంటూ సాగే ఓ మాస్‌ బీట్ సాంగ్ ప్రోమోను రిలీజ్ చేశారు. ఇక ఈ పాట ఫుల్ లిరికల్ వీడియోను అక్టోబర్‌ 23కు రిలీజ్ చేస్తున్నట్లు ప్రకటించారు. ఇక తెలుగులో ఈ సినిమాను గ్రాండ్‌గా రిలీజ్ చేయాలని మేకర్స్ సన్నాహాలు చేస్తున్నారు. పైగా పటాన్‌, జవాన్‌ వంటి సినిమాలను తెలుగు ఆడియెన్స్‌ రిసీవ్‌ చేసుకున్న తీరు చూసి.. టైగర్‌-3 మేకర్స్‌ కూడా డబ్బింగ్‌ను పర్‌ఫెక్ట్‌గా చేయించేలా ప్లాన్‌ చేస్తుంది. రిలీజ్‌కు ఎలాగో ఇంకొ నెల టైమ్‌ ఉంది గనుక.. తెలుగు, తమిళ భాషల్లో ప్రమోషన్‌లు కూడా భారీగా చేయాలని యష్‌ రాజ్‌ ఫిలింస్‌ సంస్థ ప్లాన్‌ చేస్తుందట.

టైగర్‌ సిరీస్‌లో మూడో ఫ్రాంచైజీగా రూపొందిన ఈ చిత్రానికి మనీష్ శర్మ దర్శకత్వం వహించాడు. యాక్షన్‌ స్పై థ్రిల్లర్‌గా తెరకెక్కుతున్న ఈ సినిమా దీపావళి డేట్‌ను లాక్‌ చేసుకుంది. హిందీతో పాటు తెలుగు, తమిళ భాషల్లోనూ ఈ సినిమా ఏకకాలంలో రిలీజ్‌ కాబోతుంది. యష్‌ రాజ్‌ ఫిలింస్‌ నిర్మిస్తున్న ఈ సినిమాలో సల్మాన్‌కు జోడీగా కత్రినా కైఫ్‌ హీరోయిన్‌గా నటిస్తుంది. గతంలో ఈ సిరీస్‌లో తెరకెక్కిన ఏకా థా టైగర్, టైగర్‌ జిందా హే సినిమాలు బాక్సాఫీస్‌ దగ్గర భారీ వసూళ్ళను సాధించాయి.