ఇంకాస్త ఆలస్యంగా జైలర్‌-2?

సూపర్‌స్టార్‌ రజనీకాంత్‌ కథానాయకుడిగా నెల్సన్‌ దిలీప్‌కుమార్‌ దర్శకత్వంలో వచ్చిన ‘జైలర్‌' సినిమా బాక్సాఫీస్‌ వద్ద రజనీ స్టామినా ఏంటో తెలియజేసింది. ప్రస్తుతం ఆ సినిమాకు సీక్వెల్‌గా ‘జైలర్‌-2’ రూపొందుతున్న విషయం తెలిసిందే.

సూపర్‌స్టార్‌ రజనీకాంత్‌ కథానాయకుడిగా నెల్సన్‌ దిలీప్‌కుమార్‌ దర్శకత్వంలో వచ్చిన ‘జైలర్‌’ సినిమా బాక్సాఫీస్‌ వద్ద రజనీ స్టామినా ఏంటో తెలియజేసింది. ప్రస్తుతం ఆ సినిమాకు సీక్వెల్‌గా ‘జైలర్‌-2’ రూపొందుతున్న విషయం తెలిసిందే. ఈ సినిమాకు సంబంధించిన ఓ ఆసక్తికరమైన వార్త ప్రస్తుతం తమిళ మీడియాలో వినిపిస్తున్నది. ‘జైలర్‌-2’ రఫ్‌కట్‌ చూశాక, కొన్ని యాక్షన్‌ సీక్వెన్స్‌ని రీషూట్‌ చేయాలనే నిర్ణయానికి మేకర్స్‌ వచ్చారట. ‘జైలర్‌’లో రజనీ మార్క్‌ మాస్‌ ఎలివేషన్స్‌ ఉన్నా.. యాక్షన్‌ సీక్వెన్సులు మాత్రం సహజసిద్ధంగా ఉంటాయి. కానీ ‘జైలర్‌-2’ యాక్షన్‌ సీక్వెన్స్‌లో అసహజత్వం గోచరించడంతో రీషూట్‌ నిర్ణయానికి మేకర్స్‌ వచ్చినట్టు వినికిడి. ఈ కారణంగా ఈ సినిమా విడుదల తేదీ కూడా మారే అవకాశం ఉందని తమిళ మీడియా కోడై కూస్తున్నది. నిజానికి ‘జైలర్‌-2’ను సెప్టెంబర్‌లో విడుదల చేయాలనుకున్నారు. ఈ తాజా పరిణామాల వల్ల దీపావళి కానుకగా విడుదల చేయాలనే ఆలోచనలో మేకర్స్‌ ఉన్నట్టు సమాచారం.