Visit:
The Paradise | నేచురల్ స్టార్ నాని కథానాయకుడిగా నటిస్తున్న తాజా చిత్రం ది ప్యారడైజ్(The Paradise). ద‌స‌రా సినిమాతో బ్లాక్ బ‌స్ట‌ర్ అందుకున్న శ్రీకాంత్ ఓదెల ఈ చిత్రానికి దర్శకత్వం వహిస్తుండ‌గా.. రాక్ స్టార్ అనిరుధ్ రవిచందర్ ఈ సినిమాకు సంగీతం అందిస్తున్నాడు. ఇప్ప‌టికే ఈ సినిమా నుంచి అనౌన్స్‌మెంట్ టీజ‌ర్‌ను విడుదల చేయ‌గా.. మంచి స్పందన లభించింది. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ చిత్రం నుంచి మేక‌ర్స్ సాలిడ్ అప్‌డేట్‌ను పంచుకున్నారు. ఈ సినిమాలో క‌లెక్ష‌న్ కింగ్ మంచు మోహ‌న్ బాబు కీల‌క పాత్ర‌లో న‌టించ‌బోతున్న‌ట్లు ప్ర‌క‌టించిన చిత్ర‌యూనిట్ తాజాగా అత‌డి ఫ‌స్ట్ లుక్‌ను విడుదల చేసింది. ష‌ర్ట్ లేకుండా ఉన్న మోహ‌న్ బాబు మాస్ ప్ర‌స్తుతం ఆక‌ట్టుకుంటుంది.
ఈ చిత్రం తెలుగుతో పాటు హిందీ, తమిళ, కన్నడ, మలయాళం, బెంగాలీ, ఇంగ్లీష్ మరియు స్పానిష్ భాషల్లో వచ్చే ఏడాది (2026) మార్చి 26న ప్రపంచవ్యాప్తంగా విడుదల కానుంది. ఈ చిత్రం 1980ల కాలంలో హైదరాబాద్‌లో జరిగిన కొన్ని నిజమైన సంఘటనల ఆధారంగా తెరకెక్కుతున్నట్లు సమాచారం. ఇది ఒక యాక్షన్ థ్రిల్లర్ కథాంశంతో రూపొందుతోంది.
