Thalaivar 171 | రజినీకాంత్ ఫ్యాన్స్‌కు గుడ్ న్యూస్.. ‘తలైవా 171’ ఫ‌స్ట్ లుక్ వ‌చ్చేసింది

Thalaivar 171 | తమిళ సూపర్‌స్టార్ రజినీకాంత్‌ (Rajinikanth) లియో ఫేమ్ లోకేష్ కనగరాజ్ కాంబోలో ఓ మూవీ రానున్న విష‌యం తెలిసిందే. తలైవా 171 (Thalaivar 171)గా ఈ సినిమా రాబోతుండ‌డంతో ప్రాజెక్ట్ ఎలా ఉండబోతుందోనని ఫ్యాన్స్ అంతా ఎక్జయిటింగ్‌గా చర్చించుకుంటున్నారు

Thalaivar 171 | తమిళ సూపర్‌స్టార్ రజినీకాంత్‌ (Rajinikanth) లియో ఫేమ్ లోకేష్ కనగరాజ్ కాంబోలో ఓ మూవీ రానున్న విష‌యం తెలిసిందే. తలైవా 171 (Thalaivar 171)గా ఈ సినిమా రాబోతుండ‌డంతో ప్రాజెక్ట్ ఎలా ఉండబోతుందోనని ఫ్యాన్స్ అంతా ఎక్జయిటింగ్‌గా చర్చించుకుంటున్నారు. ఇదిలావుంటే ఈ మూవీ నుంచి లోకేష్ సాలిడ్ అప్‌డేట్‌ను పంచుకున్నాడు.

ఈ మూవీ నుంచి రజినీకాంత్ ఫ‌స్ట్ లుక్‌ను లోకేష్ కనగరాజ్ ఎక్స్ వేదిక‌గా విడుద‌ల చేశాడు. ఇక ఈ పోస్ట‌ర్‌లో రజినీకాంత్ లగ్జరీ వాచ్‌లు దొంగతనం చేసే దొంగలా కనిపిస్తున్నాడు. ఇక ఈ సినిమా టైటిల్‌ను ఏప్రిల్ 22న విడుద‌ల చేయ‌నున్న‌ట్లు లోకేష్ తెలిపాడు. ఈ చిత్రాన్ని లీడింగ్‌ ప్రొడక్షన్‌ హౌజ్‌ లైకా ప్రొడక్షన్స్ తెరకెక్కిస్తోండగా.. అనిరుధ్‌ రవిచందర్‌ సంగీతం అందిస్తున్నాడు.

#Thalaivar171TitleReveal on April 22 🔥 pic.twitter.com/ekXFdnjNhD

— Lokesh Kanagaraj (@Dir_Lokesh) March 28, 2024

ఈ సినిమా షూటింగ్‌కు సంబంధించి రీసెంట్‌గా ఒక ఇంట‌ర్వ్యులో పాల్గోన్న లోకేష్ మాట్లాడుతూ.. రజనీకాంత్‌తో కలసి వర్క్‌ చేయడానికి ఆసక్తిగా ఎదురుచూస్తున్నాను. తలైవా 171 నాకెంతో ప్రత్యేకమైనది. షూటింగ్‌ మొదలుపెట్టడానికి, ప్రీప్రొడక్షన్ వర్క్‌ పూర్తి చేయడానికి కొంత సమయం పడుతుంది. జూన్‌లో ఈ సినిమా సెట్స్‌పైకి వెళ్లే అవకాశాలున్నాయి. ఏడాదిన్నరలో ఈ సినిమా పూర్తి చేసి ఆ త‌ర్వాత ‘ఖైదీ 2’ మొద‌లుపెడ‌తాను అంటూ లోకేష్ వెల్ల‌డించాడు.