నా ఫ్రెండ్‌దేమో పెళ్లి

జయతి నటించిన తెలంగాణ జానపద గీతం ‘నా ఫ్రెండ్‌దేమో పెళ్లి...’. ఈ పాటను నివృతి వైబ్స్‌ రూపొందించింది.

జయతి నటించిన తెలంగాణ జానపద గీతం ‘నా ఫ్రెండ్‌దేమో పెళ్లి…’. ఈ పాటను నివృతి వైబ్స్‌ రూపొందించింది. ఈ పాటను భీమ్స్‌ సిసిరోలియో స్వరకల్పనలో కాసర్ల శ్యామ్‌ సాహిత్యాన్ని అందించగా శ్రావణ భార్గవి పాడారు. ‘నా ఫ్రెండ్‌దేమో పెళ్లి…’ పాటను తాజాగా నటుడు జేడీ చక్రవర్తి విడుదల చేశారు. ఈ సందర్భంగా నటి జయతి మాట్లాడుతూ… వీజేగా కార్యక్రమాలు చేశాను.

రెండేండ్ల విరామం తర్వాత సినిమా నిర్మించి నాయికగా నటించాను. ఇప్పుడు ఈ పాటతో మీ ముందుకు వస్తున్నా.’ అన్నారు. నివృతి వైబ్స్‌ నుంచి ప్రియా మాట్లాడుతూ..‘మా సంస్థలో ఇప్పటికే విడుదల చేసిన జరీ జరీ పంచెకట్టు, గంగులు, సిలక ముక్కుదానా, జంజీరే వంటి పాటలకు మంచి ఆదరణ దక్కుతున్నది. వాటిలాగే నా ఫ్రెండ్‌దేమో పెళ్లి పాటకూ శ్రోతల మెప్పు దక్కుతుందని ఆశిస్తున్నాం’ అన్నారు.