Laggam Movie Review | ‘లగ్గం’ మూవీ రివ్యూ : ఈ పెళ్లి.. ఫీల్ గుడ్ ఎంటర్‌టైనర్‌ అయ్యిందా?

Laggam Movie | తెలంగాణ నేప‌థ్యం వున్న చిత్రాలు బాక్సాఫీసు వద్ద సత్తా చాటుతున్నాయి. చిన్న సినిమాగా వచ్చిన 'బలగం' ఎంతటి విజయం సాధించిందో అందరికీ తెలిసిందే. ఇప్పుడు తెలంగాణ బ్యాక్ డ్రాప్ లో మరో సినిమా ప్రేక్షకుల ముందుకు వచ్చింది.

Laggam Movie Review | తెలంగాణ నేప‌థ్యం వున్న చిత్రాలు బాక్సాఫీసు వద్ద సత్తా చాటుతున్నాయి. చిన్న సినిమాగా వచ్చిన ‘బలగం’ ఎంతటి విజయం సాధించిందో అందరికీ తెలిసిందే. ఇప్పుడు తెలంగాణ బ్యాక్ డ్రాప్ లో మరో సినిమా ప్రేక్షకుల ముందుకు వచ్చింది. అదే ‘లగ్గం’. సాయి రోనక్, ప్రగ్యా నాగ్రా జంటగా నటించిన ఈ సినిమా ప్రచార చిత్రాలు ఆసక్తిని పెంచాయి. మరి ఇందులో దర్శకుడు చెప్పదలచుకున్న అంశాలు ఏమిటి? ఈ లగ్గం ప్రేక్షకులని హత్తుకుందా? అనేది తెలియాలంటే ఈ సినిమా రివ్యూ చూడాల్సిందే.

కథ: అది తెలంగాణలోని ఓ గ్రామం. సదానందం( రాజేంద్రప్రసాద్) కూతురు మానస (ప్రగ్యా నాగ్రా). మానస చిన్నప్పుడే తల్లి చనిపోతుంది. దీంతో మేనత్త(రోహిణి) మానసని ఎంతో ఇష్టం ఒక కూతురులా చూస్తుంది. సదానందం మేనల్లుడు చైతన్య (సాయి రోనక్). చైతన్య మంచి జీతం, సౌకర్యాలు వున్న సాఫ్ట్‌వేర్ ఉద్యోగి. సాఫ్ట్‌వేర్ జాబ్ వున్న మేనల్లుడుకి తన కూతురుని ఇచ్చి లగ్గం చేయాలని నిర్ణయించుకుంటాడు సదానందం. అందుకు ఇరు కుటుంబాలు అంగీకారం తెలుపుతాయి. పెళ్లి పనులు మొదలౌతాయి. అయితే అనుకోని పరిస్థితుల్లో చైతన్య ఉద్యోగం పోతుంది. ఈ సంగతి తెలుసుకున్న సదానందం ఏం చేశాడు? ఈ పరిస్థితుల్లో లగ్గం జరిగిందా? లేదా? అన్నది మిగతా కథ.

కథా విశ్లేషణ: తెలంగాణలో జరిగే పెళ్లి వేడుకకి ఓ ఫ్యామిలీ డ్రామాతో పాటు సందేశం జోడించిన కథ ఇది. తెలంగాణ పల్లె జీవనం, సాఫ్ట్‌వేర్ జాబ్ పై ఆడపిల్లల తల్లితండ్రులకు వున్న మక్కువ, తెలంగాణ పెళ్లిలో జరిగే క్రతువులు, ప్రేమ, జాలి మధ్య వ్యత్యాసం, మేనకోడలు, మేనత్త మధ్య అనుబంధం ఇలా పలు కోణాల్లో ఈ కథ సాగుతుంది. సాఫ్ట్‌వేర్ జాబ్ లోని కలర్ ని పరిచయం చేస్తూ కథ మొదలౌతుంది. ఆరంభ సన్నివేశాలని లైటర్ వెయిన్ లో తీసుకెళ్ళాడు దర్శకుడు. పెళ్లి పాట చాలా కళగా తీశారు. వర పూజ, పసుపు దంచడం.. ఇలా తెలంగాణ లగ్గంలోని ప్రతి ఘట్టాన్ని అందంగా చూపించారు. ఇంటర్వెల్ సమయంలో అసలు కాన్ఫ్లిక్ట్ వస్తుంది.

అల్లుడికి జాబ్ పొయిందని పెళ్లి ఆపాలని చూస్తాడు సదానందం. అయితే ఈ పెళ్లి మానసకి కూడా ఇష్టం వుండదు. దానికి గల కారణాలు చూపిస్తూ సెకండ్ హాఫ్ మొదలౌతుంది. ఇక్కడే జాలి ప్రేమ మధ్య తేడా చూపిస్తూ కొన్ని సన్నివేశాలు వస్తాయి. మానస రియలైజయ్యే సన్నివేశాలు ఎమోషనల్ గా వుంటాయి. చివరికి సాఫ్ట్‌వేర్ జాబులు, అందులో సాధకబాధకాలని సందేశాత్మక సన్నివేశాల సమాహారంతో ఓ ఫీల్ గుడ్ సినిమాలా ఈ కథని ముగించాడు దర్శకుడు.

నటీనటులు నటన: సాయి రోనాక్ ఛార్మింగ్ గా కనిపించాడు. నేచురల్ గా నటించాడు. ప్రగ్యా నగారా అందంగా హుందాగా కనిపించింది. రాజేంద్ర ప్రసాద్, రోహిణి, ఎల్బీ శ్రీరామ్ , వడ్లమాని శ్రీనివాస్ తమ అనుభవంతో పాత్రలకు న్యాయం చేశారు. అయితే ఇది పూర్తిగా తెలంగాణ నేపధ్యంలో జరిగే కథ. ఇందులో నటించిన నటీనటులు ఆ మాండలికం పలకడానికి ఇబ్బంది పడ్డారు. చాలా చోట్ల అసహజంగా అనిపిస్తుంది. ఆ యాస తెలిసిన నటీనటులని తీసుకొని వుంటే రిజల్ట్ ఇంకా బెటర్ గా వుండేది.

టెక్నికల్ గా: మణిశర్మ అందించిన బ్యాక్గ్రౌండ్ స్కోర్ ఒక ప్రధాన ఆకర్షణ. చాలా సన్నివేశాలను బ్యాగ్రౌండ్ స్కోర్ ఎలివేట్ చేసింది. సినిమాటోగ్రఫీ డీసెంట్ గా వుంది. చరణ్ అర్జున్ స్వరపరిచిన పెళ్లి పాట, అప్పగింతల పాట ఆకట్టుకుంటాయి. నిర్మాణ విలువలు కథకు తగ్గట్టుగా వున్నాయి.

ప్లస్ పాయింట్స్
తెలంగాణ నేపధ్యం
కొన్ని ఫీల్ గుడ్ ఎమోషనల్ సీన్స్
మణిశర్మ బీజీఎం

మైనస్ పాయింట్స్
ఊహకు అందిపోయే కథ, కథనం
కొన్ని చోట్ల మెసేజ్ డోస్ పెరగడం

రేటింగ్: 2.75/ 5