Taraka Ratna | బాలయ్య సినిమాలో తారకరత్న కీలకపాత్ర?

తారకరత్న మరణంతో నందమూరి కుటుంబంలో విషాదం నెలకొంది. జనవరి 27న కుప్పంలో నారా లోకేశ్‌ చేపట్టిన యువగళం యాత్రలో గుండెపోటుతో కుప్పకూలిన తారకరత్నకు స్థానికంగా చికిత్స అందించి మెరుగైన వైద్యం కోసం బెంగళూరు నారాయణ హృదయాలయ ఆస్పత్రికి తరలించారు.

Taraka Ratna In Balakrishna Movie | తారకరత్న మరణంతో నందమూరి కుటుంబంలో తీవ్ర విషాదం నెలకొంది. కుప్పంలో నారా లోకేశ్‌ చేపట్టిన యువగళం యాత్రలో గుండెపోటుతో కుప్పకూలిన తారకరత్నకు స్థానికంగా చికిత్స అందించి మెరుగైన వైద్యం కోసం బెంగళూరు నారాయణ హృదయాలయ ఆస్పత్రికి తరలించారు. అప్పటి నుంచి గుండె, మెదడుకు సంబంధించిన చికిత్స అందిస్తున్నారు. 23 రోజులపాటు మృత్యువుతో పోరాడిన తారకరత్న చివరకు కన్నుమూశారు. ఆయన మృతితో ఇండస్ట్రీలో తీవ్ర విషాదం నెలకొంది. తారకరత్న మృతి పట్లు పలువురు సినీ ప్రముఖులు సంతాపం ప్రకటిస్తున్నారు.

కాగా తారకరత్న 20ఏళ్లకే ఇండస్ట్రీలోకి ఎంట్రీ ఇచ్చాడు. హిట్లు, ఫ్లాపులతో సంబంధంలేకుండా వరుసగా సినిమాలు చేస్తూ వచ్చాడు. ఇక తారకరత్న ప్రస్తుతం  రెండు సినిమాలకు కమిట్‌ అయ్యాడు. అవి రెండు ఇప్పుడు సెట్స్‌ మీద ఉన్నాయి. అంతేకాకుండా బాలకృష్ణ-అనీల్‌ రావిపూడి కాంబోలో తెరకెక్కుతున్న సినిమాలో ఓ కీలకపాత్ర కోసం తారకరత్నను చిత్రబృందం ఫిక్స్‌ చేశారట. ఈ సినిమాతో తారకరత్న దశ తిరుగుతుంది అనుకుంటున్న సమయంలో ఇలా తిరిగిరాని లోకాలకు వెళ్లిపోయాడు. ఆయన అంత్యక్రియలు సోమవారం మాహాప్రస్థానంలో జరుగునున్నాయి.