సినిమా షూటింగ్స్ (Films Shootings) ఎక్కువగా జరుపుకునే ప్రాంతం ఏంటీ అంటే..ఒక్క క్షణం కూడా ఆలోచించకుండా చెప్పే సిటీ హైదరాబాద్ (Hyderabad). తెలుగు సినిమాలతో కోలీవుడ్ సినిమాలు కూడా ఇక్కడ షూటింగ్స్ జరుపుకుంటాయి. రజినీకాంత్, విజయ్, అజిత్ లాంటి స్టార్ హీరోల (Tamil stars) సినిమాల చిత్రీకరణ కూడా చెన్నైలో కాకుండా హైదరాబాద్లో జరుగుతుంటాయి. అయితే తమిళ హీరోలు ఇలా చేయడం వల్ల అక్కడి సినీ కార్మికులపై ప్రభావం పడుతుందట.
ఈ నేపథ్యంలో తమిళ సినిమాల (Tamil Films) షూటింగ్స్ కేవలం తమిళనాడులోనే చిత్రీకరణ జరుపాలని ఫిలిం ఫెడరేషన్ ఆఫ్ సౌతిండియా (FEFSI) ప్రెసిడెంట్ ఆర్కే సెల్వమణి (RK Selvamani) డిమాండ్ చేశారు. అసోసియేషన్లో సుమారు 25వేల మందికిపైగా షూటింగ్స్ లో పాల్గొంటూ ఉపాధి పొందుతున్నారు. తమిళ సినీ నిర్మాతల అసోసియేషన్, FEFSI మధ్య చేసుకున్న ఒప్పందం రద్దు చేయబడింది. చాలా మంది తమిళ హీరోలు వారి సినిమాల షూటింగ్స్ హైదరాబాద్లో చేసుకోవడం వల్ల చెన్నై (Tamil stars) లోని సినీ కార్మికులు ఉపాధి కోల్పోతున్నారు.
అజిత్ (Ajith) తన సినిమాలు కేవలం తమిళనాడులోని షూట్ చేసుకోవాలని సూచించాడు. కొన్నాళ్లుగా అజిత్ చాలా వరకు తన సినిమాలు హైదరాబాద్లో షూట్ చేసుకుంటున్నారు. ఇలాంటి తరుణంలో అజిత్ అప్ కమింగ్ సినిమా మేకర్స్ షూటింగ్ లొకేషన్ను చెన్నైకి మార్చుకోవాలన్నాడు. తమిళనాడులో కూడా షూటింగ్స్ చేసుకోవడానికి కావాల్సిన వనరులున్నాయని చెప్పాడు.
తమిళ హీరోలు తెలుగు రాష్ట్రాల్లో సినిమాల చిత్రీకరణ చేయొద్దు. ఈ అంశాన్ని దృష్టిలో పెట్టుకుని సరైన నిర్ణయం తీసుకోవాలని, తద్వారా తమిళ సినీ కార్మికుల జీవితాలకు మేలు జరుగుతుందని విజ్ఞప్తి చేశారు.