సైన్స్‌ ఫిక్షన్‌తో ఆకట్టుకునేలా

తమిళ హీరో ఆర్య నటించిన కొత్త సినిమా ‘కెప్టెన్‌’. ఐశ్వర్య లక్ష్మీ, సిమ్రాన్‌, హరీష్‌ ఉత్తమన్‌ ఇతర కీలక పాత్రల్లో నటించారు. శక్తి సౌందర్‌రాజన్‌ దర్శకత్వం వహించారు. శ్రేష్ఠ్‌ మూవీస్‌ ద్వారా నేడు తెలుగులో విడుదలవుతున్నది. మంగళవారం చిత్ర ప్రీ రిలీజ్‌ కార్యక్రమాన్ని హైదరాబాద్‌లో నిర్వహించారు.

ఆర్య మాట్లాడుతూ..‘కొత్త తరహా కథల్లో నటించకుంటే ఆ పరిమితుల్లోనే ఉండిపోతాం. సినిమా ఫెయిల్‌ అయినా ఫర్వాలేదు కానీ విభిన్నమైన ప్రయత్నాలు చేయాలని అనుకున్నా. ప్రేక్షకులకు కొత్త అనుభూతిని ఇచ్చే చిత్రమిది. రెండు గంటల లోపే నిడివితో మిమ్మల్ని ఆకట్టుకుంటుంది’ అన్నారు.

నిర్మాత రాజ్‌కుమార్‌ మాట్లాడుతూ..‘గతేడాది ఆర్య నటించిన సార్పట్ట ఓటీటీలో మంచి సక్సెస్‌ అందుకుంది. ఈసారి సైన్స్‌ ఫిక్షన్‌ కథతో ఆయన మిమ్మల్ని అలరించబోతున్నారు.’ అన్నారు. ఈ కార్యక్రమంలో నిర్మాత సుధాకర్‌ రెడ్డి, పాటల రచయిత రామజోగయ్య శాస్త్రి తదితరులు పాల్గొన్నారు.