Kavin | ప్రేయసిని పెళ్లాడిన తమిళ హీరో.. ఫోటోలు వైరల్‌

Dada Movie Hero | దాదా సినిమాతో ఓవర్‌ నైట్‌ క్రేజ్‌ తెచ్చుకున్న హీరో కెవిన్‌ తాజాగా తన ప్రేయసి మౌనికను ఘనంగా వివాహం చేసుకున్నాడు. వీరిపెళ్లికి ఇరుకుటుంబ సభ్యులతో పాటు అత్యంత సన్నిహితులు హాజరయ్యారు.

Dada Movie Hero | దాదా సినిమాతో ఓవర్‌ నైట్‌ క్రేజ్‌ తెచ్చుకున్న హీరో కెవిన్‌ తాజాగా తన ప్రేయసి మౌనికను ఘనంగా వివాహం చేసుకున్నాడు. వీరిపెళ్లికి ఇరుకుటుంబ సభ్యులతో పాటు అత్యంత సన్నిహితులు హాజరయ్యారు. వీరి వివాహ వేడుకకు సంబంధించిన ఫోటోలు కెవిన్‌ ఇన్‌స్టాలో పోస్ట్‌ చేశాడు. ప్రస్తుతం ఈ ఫోటోలు నెట్టింట తెగ వైరల్‌ అవుతున్నాయి. ఈ వివాహా మహోత్సవానికి నయనతార, విఘ్నేష్ శివన్‌లు హాజరై సందడి చేశాడు.

సీరియల్ యాక్టర్‌గా కెరీర్‌ ప్రారంభించిన కవిన్‌ కార్తిక్‌ సుబ్బరాజు దర్శకత్వంలో వచ్చిన పిజ్జా సినిమాలో ఓ చిన్న రోల్‌లో మెరిసాడు‌. ఆ తర్వాత రెండు, మూడు సినిమాల్లో క్యారెక్టర్‌ ఆర్టిస్టుగా కనిపించాడు. అయితే కవిన్‌ పేరు తమిళ ప్రేక్షకుల్లో రిజిస్టర్‌ అయింది మాత్రం నట్‌పున ఎన్నాను తెరియుమా సినిమాతోనే. ఈ సినిమాతో లీడ్‌ రోల్ అవతారం ఎత్తి సక్సెస్‌ అయ్యాడు. కమర్షియల్‌గా పెద్ద బ్లాక్‌ బస్టర్‌ కాలేదు కానీ.. ఈ సినిమాలో కవిన్‌ రోల్‌కు మాత్రం మంచి మార్కులు పడ్డాయి.

కవిన్‌కు మాత్రం బ్రేక్‌ ఇచ్చింది దాదా సినిమానే. ఈ ఏడాది ఫిబ్రవరిలో రిలీజైన ఈ సినిమా తమిళంలో కోట్లు కొల్లగొట్టింది. కేవలం రూ.4 కోట్లతో రూపొందిన ఈ మూవీ దాదాపు రూ.20 కోట్ల రేంజ్‌లో కలెక్షన్‌లు సాధించింది. ఇక ఇటీవలే ఓటీటీలో రిలీజై అక్కడ కూడా తిరుగులేని ఆదరణ దక్కించుకుంది. భాషతో సంబంధంలేకుండా అన్ని రాష్ట్రాల సినీ లవర్స్‌ ఈ సినిమాను దాదాపుగా చూసేసారు. ప్రస్తుతం కవిన్‌ రెండు సినిమాలను సెట్స్‌ మీద ఉంచాడు.

🙂 pic.twitter.com/MHcQ9z2Z0w

— Kavin (@Kavin_m_0431) August 20, 2023