Tabu | నాగార్జున ‘కింగ్ 100’ నుంచి అదిరిపోయే అప్‌డేట్.. టబు పాత్ర గ్లింప్స్ వ‌చ్చేది అప్పుడే!

Tabu Movie | అక్కినేని నాగార్జున కెరీర్‌లో అత్యంత ప్రతిష్టాత్మక మైలురాయిగా తెరకెక్కుతున్న 100వ చిత్రం 'కింగ్ 100' (King100) పై సినీ వర్గాల్లో మరియు ప్రేక్షకుల్లో భారీ అంచనాలు నెలకొన్నాయి.

King 100 | అక్కినేని నాగార్జున కెరీర్‌లో అత్యంత ప్రతిష్టాత్మక మైలురాయిగా తెరకెక్కుతున్న 100వ చిత్రం ‘కింగ్ 100’ (King100) పై సినీ వర్గాల్లో మరియు ప్రేక్షకుల్లో భారీ అంచనాలు నెలకొన్నాయి. అయితే ఈ చిత్రానికి సంబంధించి మేకర్స్ ఒక క్రేజీ అప్‌డేట్‌ను అనౌన్స్ చేశారు. ఇందులో కీలక పాత్ర పోషిస్తున్న ప్రముఖ నటి టబు పాత్రకు సంబంధించిన ప్రత్యేక గ్లింప్స్‌ను రేపు ఉదయం 9:00 గంటలకు విడుదల చేయనున్నట్లు అధికారికంగా ప్రకటించారు.

సుమారు 28 ఏళ్ల సుదీర్ఘ విరామం తర్వాత నాగార్జున, టబు కలిసి నటిస్తుండటంతో ఈ గ్లింప్స్ మీద అందరిలోనూ విపరీతమైన ఆసక్తి నెలకొంది. రా కార్తీక్ దర్శకత్వం వహిస్తున్న ఈ సినిమాకు రాక్ స్టార్ దేవి శ్రీ ప్రసాద్ సంగీతం అందిస్తున్నారు. ప్రముఖ నిర్మాణ సంస్థ అన్నపూర్ణ స్టూడియోస్ బ్యానర్‌పై అత్యంత భారీ బడ్జెట్‌తో తెరకెక్కుతున్న ఈ చిత్రం క్రిస్మస్ కానుకగా డిసెంబర్ 24న ప్రపంచవ్యాప్తంగా ఘనంగా థియేటర్లలో విడుదల కానుంది.