Visit:
Suriya | కోలీవుడ్ స్టార్ హీరో సూర్య ఇటీవల విడుదలైన ‘వీరభద్రుడు’ సినిమాతో మంచి విజయాన్ని అందుకున్నాడు. గత కొంతకాలంగా వరుస ఫ్లాపులతో ఇబ్బందులు ఎదుర్కొంటున్న సూర్యకు ఈ చిత్రం భారీ ఊరటనిచ్చిందని సినీ వర్గాలు భావిస్తున్నాయి. ఈ సినిమాలో ఆయన పూర్తిస్థాయి హీరోగా కాకపోయినా.. కథకు కీలకమైన ఎక్స్టెండెడ్ క్యామియో పాత్రలో కనిపించి ప్రేక్షకులను ఆకట్టుకున్నారు. సినిమా విడుదలకు ముందు నుంచే ‘వీరభద్రుడు’లో సూర్య పాత్రపై భారీ అంచనాలు నెలకొన్నాయి. మొదట ఈ చిత్రం పూర్తిగా సూర్య ప్రధాన పాత్రలో తెరకెక్కుతోందనే ప్రచారం జరిగింది. అయితే విడుదల తర్వాత ఆయన పాత్ర పరిమితంగానే ఉన్నప్పటికీ.. తెరపై కనిపించిన ప్రతి సన్నివేశం అభిమానులను మెప్పించింది. ముఖ్యంగా కొన్ని యాక్షన్ సీన్లు, ఎమోషనల్ మూమెంట్స్ సినిమాకు హైలైట్గా నిలిచాయి.
బాక్సాఫీస్ వద్ద కూడా ఈ చిత్రం మంచి వసూళ్లు సాధించింది. దీంతో సినిమా విజయానికి ప్రధాన కారణంగా సూర్య పేరే ఎక్కువగా వినిపించింది. అభిమానులు కూడా ఈ సక్సెస్ను సోషల్ మీడియాలో ఘనంగా సెలబ్రేట్ చేస్తున్నారు.ఇక ఈ విజయంతో సూర్య వరుస కొత్త ప్రాజెక్టులతో బిజీ అవుతున్నారు. ప్రస్తుతం ఆయన తన కెరీర్లో 47వ చిత్రాన్ని షూటింగ్ చేస్తున్నారు. ఈ సినిమాకు మలయాళంలో సంచలన విజయం సాధించిన ‘ఆవేశం’ దర్శకుడు జీతు మాధవన్ దర్శకత్వం వహిస్తున్నారు. భారీ యాక్షన్ ఎంటర్టైనర్గా తెరకెక్కుతున్న ఈ సినిమాను 2027 సంక్రాంతి కానుకగా విడుదల చేయాలని మేకర్స్ ప్లాన్ చేస్తున్నారు.
అదే సమయంలో సూర్య తన 48వ సినిమాకు కూడా గ్రీన్ సిగ్నల్ ఇచ్చినట్లు సమాచారం. ‘జై భీమ్’ వంటి విమర్శకుల ప్రశంసలు అందుకున్న చిత్రాన్ని తెరకెక్కించిన దర్శకుడు టీజే జ్ఞానవేల్ ఈ ప్రాజెక్ట్ను డైరెక్ట్ చేయనున్నారు. ఇటీవల ఆయన వినిపించిన కథ సూర్యకు బాగా నచ్చడంతో వెంటనే ఓకే చెప్పినట్లు కోలీవుడ్ వర్గాల్లో టాక్ వినిపిస్తోంది.ప్రత్యేకంగా ఈ సినిమాను సూర్య స్వంత నిర్మాణ సంస్థ ‘జగరం స్టూడియోస్’ బ్యానర్పై నిర్మించనున్నట్లు సమాచారం. సెప్టెంబర్ నెలలో ఈ మూవీ షూటింగ్ ప్రారంభం కానుండగా.. 2027 సమ్మర్ రిలీజ్ లక్ష్యంగా వేగంగా పనులు పూర్తి చేయాలని ప్లాన్ చేస్తున్నారు.
ఇక తెలుగు ప్రేక్షకులకు కూడా సూర్య నుంచి మరో స్పెషల్ ట్రీట్ రానుంది. దర్శకుడు వెంకీ అట్లూరి దర్శకత్వంలో తెరకెక్కుతున్న ఆయన స్ట్రెయిట్ తెలుగు సినిమా ‘విశ్వనాథ్ అండ్ సన్స్’ షూటింగ్ ఇప్పటికే పూర్తయ్యింది. ఫ్యామిలీ ఎమోషన్స్తో కూడిన ఈ చిత్రాన్ని సెప్టెంబర్ లేదా అక్టోబర్లో విడుదల చేసే అవకాశాలు ఉన్నట్లు తెలుస్తోంది.మొత్తంగా చూస్తే.. ‘వీరభద్రుడు’ విజయంతో తిరిగి ఫామ్లోకి వచ్చిన సూర్య ఇప్పుడు వరుస సినిమాలతో ఫుల్ బిజీగా మారిపోయారు. విభిన్న కథలు, క్రేజీ దర్శకులతో ఆయన చేస్తున్న ప్రాజెక్టులు అభిమానుల్లో భారీ అంచనాలు పెంచుతున్నాయి.
