Visit:
Karuppu Movie | త‌మిళంతో పాటు తెలుగు ప్రేక్షకులకు ద‌గ్గ‌రైన న‌టుల‌లో కథానాయకుడు సూర్య (Suriya) ఒక‌రు. ఆయన నటించిన ప్రతి సినిమా ఇక్కడ కూడా విడుదలవుతుంది. అంతేకాదు, వైవిధ్యానికి పెద్ద పీట వేస్తూ ఆసక్తికర చిత్రాలతో ప్రేక్షకుల ముందుకు వస్తారు. ఇప్ప‌టికే తెలుగు ద‌ర్శ‌కుడు వెంకి అట్లూరితో సినిమా చేస్తున్న సూర్య త‌మిళ క‌మెడియ‌న్ ఆర్జే బాలాజీ (RJ Balaji) దర్శకత్వంలో కరుప్పు(Karuppu) అనే సినిమా చేస్తున్నాడు. నేడు సూర్య బర్త్డే కావ‌డంతో మూవీ నుంచి టీజ‌ర్‌ను వ‌దిలారు మేక‌ర్స్.
‘నా పేరు సూర్య.. నాకు ఇంకోపేరు కూడా ఉంది’, ‘ఇది మన టైమ్‌’ అంటూ సూర్య తన వింటేజ్‌లుక్‌లో అద‌ర‌గొడుతున్నాడు. జై భీమ్ త‌ర్వాత మళ్లీ ఈ చిత్రంలో సూర్య మ‌రోసారి న్యాయ‌వాది పాత్ర‌లో క‌నిపించ‌బోతున్న‌ట్లు తెలుస్తుంది. డ్రీమ్‌ వారియర్‌ పిక్చర్స్‌ పతాకంపై రూపొందుతున్న ఈ మూవీకి సాయి అభ్యంక‌ర్‌ సంగీతం అందిస్తున్నాడు. త్రిష క‌థానాయిక‌గా న‌టిస్తుంది.
