Suriya42 Movie | టాలీవుడ్ హీరోలకు సమానంగా తెలుగులో క్రేజ్ తెచ్చుకున్న తమిళ నటుడు సూర్య. రజినీకాంత్, కమల్ హాసన్ తర్వాత ఆ స్థాయిలో తెలుగు ప్రేక్షకులకు సూర్య దగ్గరయ్యాడు. ‘శివ పుత్రుడు’, ‘యువ’ వంటి సినిమాలతో టాలీవుడ్కు దగ్గరైన సూర్య.. ‘గజిని’ సినిమాతో తెలుగు బాక్సాఫీస్ దగ్గర తన సత్తా ఎంటో నిరూపించుకున్నాడు. ఈ చిత్రంతో తెలుగులో ఈయనకు విపరీతమైన క్రేజ్తో పాటు మంచి మార్కెట్ ఏర్పడింది. అప్పటినుంచి ఈయన నటించిన సినిమాలన్ని తమిళంతో పాటు తెలుగులోనూ ఏకకాలంలో విడుదలవుతున్నాయి. ప్రస్తుతం ఈయన మూడు సినిమాలను సెట్స్ పైన ఉంచాడు. అందులో శివ దర్శకత్వంలో తెరకెక్కనున్న ‘సూర్య42’ ఒకటి.
ప్రస్తుతం ఈ సినిమా షూటింగ్ శరవేగంగా జరుగుతుంది. పీరియాడిక్ డ్రామా నేపథ్యంలో తెరకెక్కుతున్న ఈ సినిమాకు సంబంధించిన ఓ వార్త నెట్టింట వైరల్గా మారింది. ఈ సినిమాకు వీర్ అనే టైటిల్ను పరిశీలనలో ఉంచినట్లు టాక్. ఇటీవలే ఈ పేరును నిర్మాతలు రిజిస్టర్ చేయించినట్లు తెలుస్తుంది. అయితే ఈ టైటిల్పై అభిమానులు సంతృప్తిగా లేరిని టాక్. ఇందులో నిజమెంతుందో తెలియాలంటే మరికొన్ని రోజులు ఆగాల్సిందే. దాదాపు రూ.200 కోట్ల బడ్జెట్తో తెరకెక్కుతున్న ఈ సినిమా 10 భాషల్లో 3డీలో రూపొందుతుంది. యూవీ క్రియేషన్స్, స్టూడీయో గ్రీన్ సంస్థలు సంయుక్తంగా నిర్మిస్తున్న ఈ సినిమాకు దేవీ శ్రీ ప్రసాద్ సంగీతం అందిస్తున్నాడు. సూర్యకు జోడీగ బాలీవుడ్ బ్యూటీ దిశా పటానీ నటిస్తోంది.