ఆద్యంతం నవ్వించే ‘సూపర్‌ సుబ్బు’

కుటుంబ నియంత్రణపై అవగాహన కల్పిస్తూ వినోదాత్మక కథాంశంతో తెరకెక్కిన వెబ్‌సిరీస్‌ ‘సూపర్‌ సుబ్బు’. సందీప్‌కిషన్‌, మిథిలా పాల్కర్‌ ప్రధాన పాత్రల్లో నటించిన ఈ సిరీస్‌ జూలై 2 నుంచి నెట్‌ఫ్లిక్స్‌లో స్ట్రీమింగ్‌ కానుంది. ఈ సందర్భంగా సోమవారం ఓ వీడియోను విడుదల చేశారు.

కుటుంబ నియంత్రణపై అవగాహన కల్పిస్తూ వినోదాత్మక కథాంశంతో తెరకెక్కిన వెబ్‌సిరీస్‌ ‘సూపర్‌ సుబ్బు’. సందీప్‌కిషన్‌, మిథిలా పాల్కర్‌ ప్రధాన పాత్రల్లో నటించిన ఈ సిరీస్‌ జూలై 2 నుంచి నెట్‌ఫ్లిక్స్‌లో స్ట్రీమింగ్‌ కానుంది. ఈ సందర్భంగా సోమవారం ఓ వీడియోను విడుదల చేశారు. ‘ఓ అమాయక యువకుడు..అత్యంత సంప్రదాయ గ్రామం..అసాధ్యమైన ఓ ఉద్యోగం’ అనే క్యాప్షన్‌తో రిలీజ్‌ చేసిన ఈ వీడియో గ్లింప్స్‌ ఆద్యంతం వినోదాత్మకంగా సాగింది.

సుబ్రహ్మణ్యం అలియాస్‌ సుబ్బు అనే యువకుడు ప్రజల్లో కుటుంబ నియంత్రణపై అవగాహన కల్పించే ఉద్దేశ్యంతో మాకిపూర్‌ అనే గ్రామంలోకి అడుగుపెడతాడు. అక్కడ అతనికి అనుకోని వింత పరిస్థితులు ఎదురవుతాయి. ఈ క్రమంలో అతను తన ప్రేమ, కుటుంబం, కెరీర్‌ను పణంగా పెట్టాల్సివస్తుంది. ఈ నేపథ్యంలో అతను తీసుకున్న నిర్ణయమేమిటన్నది ఈ కథలో ఆసక్తికరమని ఈ సిరీస్‌ క్రియేటర్‌, దర్శకుడు మల్లిక్‌రామ్‌ తెలిపారు. బ్రహ్మానందం, మురళీశర్మ, సంపూర్ణేష్‌బాబు ఈ సిరీస్‌లో కీలక పాత్రల్ని పోషించారు.