బిగ్ బాస్ సీజన్ 5 కార్యక్రమంలో సోమవారం రోజు శ్రీరామ్, మానస్ల వీడియోలు ప్లే చేసిన బిగ్ బాస్ మంగళవారం రోజు షణ్ముఖ్, సన్నీల వీడియోలు చూపించాడు. తన తల్లితో ఉన్న ఫొటోని తీసుకుని ‘కళావతి అడక్క అడక్క ఓ గిఫ్ట్ అడిగావ్.. కప్పు తీసుకుని రా అని.. నేను ట్రై చేస్తున్నా.. మిగతాది జనాల చేతిలో ఉంది.. నా కోసం ప్రార్ధన చేయి అని చెప్పాడు సన్నీ. అయితే బిగ్ బాస్ ప్లే చేసిన వీడియోలో ‘సరదా సన్నీ ఒకే అక్షరంతో మొదలౌతాయని.. మీరు గుర్తు చేశారు.
ఈ ఇంట్లో మీరు బంధాలు.. గెలిచిన ఆటలు.. జరిగిన గొడవలు.. మోసిన నిందలు.. చేసిన వినోదం.. ఎన్ని ఒడుదుడుగులు వచ్చినా అందరి మొహంపైనవ్వు తీసుకుని వచ్చి ఎంటర్ టైనర్గా అందరి మదిలో చెరగని ముద్ర వేసుకున్నారు. మీ వాళ్ల కోసం మీరు నిలబడే తీరు.. వాళ్లు మిమ్మల్ని ఇష్టపడినా లేకున్నా.. మీలోని స్నేహితుడు వాళ్లని పరిచయం చేశాడు.. మీలోని కోపం మీకు ఇబ్బందులు తీసుకుని వచ్చి.. అందరి ముందు దోషిగా నిలబెట్టిన క్షణాలు.. మీ మనసుని గాయం చేసిన విషయాన్ని బిగ్ బాస్ గమనించారు.
ప్రతి టాస్క్లో గెలవాలనే మీ తపన.. గెలిచేవరకూ పోరాడే పట్టుదల.. మీ ఓర్పు మిమ్మల్ని ఇక్కడి వరకూ తీసుకుని వచ్చింది. ఒంటరిగా వచ్చిన మనిషికి కొంచెం ప్రేమను సంపాదించుకోవడం కంటే పెద్ద విజయం ఏదీ లేదని మీరు సాధించిన విజయమే మీకు గుర్తు చేస్తుంది. మీరు వెతుకున్న స్వప్న సుందరి త్వరలోనే దొరకాలని ఆశిస్తున్నా.. అప్నా టైం ఆయేగా.. అన్న మీ మాట మిమ్మల్ని ప్రేమించే వారికి గట్టిగా వినిపించింది. సన్నీ మీ సమయం వచ్చేసింది’ అంటూ సన్నీ జర్నీని చూపించారు బిగ్ బాస్. మీ మనసుకి దగ్గరైన ఒక ఫొటోగ్రాఫ్ని మీతో తీసుకుని వెళ్లండని బిగ్ బాస్ చెప్పడంతో.. తన తల్లితో ఉన్న ఫొటోతో పాటు.. మానస్తో ఉన్న ఫొటోని కూడా తీసుకున్నాడు.