Anupama Parameshwaran | తినే ప్రతి బియ్యపుగింజ మీద మన పేరు రాసుండాలి అని సాధారణంగా అంటుంటారు. అదే విధంగా సినిమా రంగంలో నటీనటుల దగ్గరికి వచ్చే కథలపై వారి పేరు రాసిపెట్టుండాలి అంటారు. ఒకరితో అనుకున్న కథ మరొకరి చెంతకు వెళ్తుంది. సినిమా పోతే అబ్బ చేయకపోవడమే మంచిదైంది అని అనుకుంటారు. ఒక వేళ బ్లాక్బస్టర్ హిట్టయితే, వాళ్ళ భాద అంతా ఇంతా కాదు. ఇక ఇప్పుడు అదే విషయం అనుపమ పరమేశ్వరణ్ విషయంలో జరిగింది. ప్రస్తుతం అనుపమ నటించిన ’18పేజీస్’ రిలీజ్కు సిద్ధంగా ఉంది. తాజాగా ఈ సినిమా ప్రీ రిలీజ్ వేడుక హైదరాబాద్లో ఘనంగా జరిగింది.
కాగా ఈ వేడుకలో దర్శకుడు సుకుమార్ అనుపమ గురించి ఇంట్రెస్టింగ్ విషయాలు చెప్పాడు. అనుపమ మంచి నటి, తనకు తెలుగు కూడా బాగా వచ్చు. ఇది అనుపమకు ఉన్న మరో అదనపు క్వాలిటీ అన్నాడు. అంతేకాకుండా ‘రంగస్థలం’ సినిమాలో సమంత కంటే ముందు అనుపమనే అనుకున్నారట. ఆడిషన్ కూడా చేశారట. కానీ ఆడిషన్ టైమ్లో అనుపమ భయంతో వాళ్ళ అమ్మ వైపు చూసింది. అందుకే నాకు భయమేసి సమంతను పెట్టుకున్నా అని చెప్పాడు. ఇక రామలక్ష్మీగా సమంత నటనకు గొప్ప ప్రశంసలు దక్కాయి. ఇప్పటికీ ఆ సినిమాను మిస్ చేసుకున్నందుకు బాధగా ఉంటుందని అనుపమ చెప్పింది. ఒకవేళ రంగస్థలం మూవీ అనుపమ చేసుంటే ఆమె కెరీర్ పీక్లో ఉండేది. స్టార్ హీరోలతో సినిమాలు చేస్తూ బిజీ బిజీగా గడపుతుండేది. ప్రస్తుతం ఈ అమ్మడుకి కేవలం మీడియం రేంజ్ సినిమాల ఆఫర్స్ మాత్రమే వస్తున్నాయి.