Sudigali Sudheer | సైకలాజిక‌ల్ థ్రిల్ల‌ర్‌గా సుధీర్ సినిమా.. ఆక‌ట్టుకుంటున్న ‘కాలింగ్ స‌హ‌స్ర’ టీజ‌ర్‌

'జ‌బ‌ర్ద‌స్త్' షోతో బుల్లితెర‌కు ప‌రిచ‌య‌మై హీరోగా, కామెడియ‌న్‌గా, యాంక‌ర్‌గా, సింగ‌ర్‌గా ఇలా ప‌లువిభాగాల్లో త‌న టాలెంట్‌ను నిరూపించుకుంటూ సినీరంగంలో త‌న‌కంటూ ప్ర‌త్యేక గుర్తింపు తెచ్చుకున్నాడు సుడిగాలి సుధీర్‌.

Sudigali Sudheer | ‘జ‌బ‌ర్ద‌స్త్’ షోతో బుల్లితెర‌కు ప‌రిచ‌య‌మై హీరోగా, కామెడియ‌న్‌గా, యాంక‌ర్‌గా, సింగ‌ర్‌గా ఇలా ప‌లువిభాగాల్లో త‌న టాలెంట్‌ను నిరూపించుకుంటూ సినీరంగంలో త‌న‌కంటూ ప్ర‌త్యేక గుర్తింపు తెచ్చుకున్నాడు సుడిగాలి సుధీర్‌. ఈయ‌న హీరోగా న‌టించిన లేటెస్ట్ చిత్రం ‘కాలింగ్ స‌హ‌స్ర‌’. అరుణ్ వ‌క్కిరాల ద‌ర్శ‌క‌త్వం వ‌హించాడు. ఇది వ‌ర‌కే విడుద‌లైన ప్ర‌చార చిత్రాలు ప్రేక్ష‌కుల‌ను ఆక‌ట్టుకుంటున్నాయి. ప్ర‌స్తుతం ఈ చిత్రం షూటింగ్‌ చివ‌రి ద‌శ‌లో ఉంది. ఈ క్ర‌మంలో చిత్ర టీజ‌ర్‌ను మేక‌ర్స్ విడుద‌ల చేశారు.

‘బ్ర‌త‌క‌డం కోసం చంప‌డం సృష్టి ధ‌ర్మం.. మ‌రి చంప‌డం కాన‌ప్పుడు దాన్ని చూపించ‌డం త‌ప్పెలా అవుతుంది’ అంటూ మొద‌లైన టీజ‌ర్ ఆక‌ట్టుకుంటుంది. ‘ఇప్ప‌టివ‌ర‌కు వాళ్ళు 6000 మందిన చంపారు’ అని శివ బాలాజి మాట‌లు ఆ సైకోలు ఎంత కిరాత‌కులో అర్థ‌మ‌వుతుంది. సైబ‌ర్ సెక్యూరిటి ప్రొఫెష‌న‌ల్‌గా సుధీర్ ఆక‌ట్టుకుంటున్నాడు. ఫైట్స్ సీన్ల‌ను కూడా సుధీర్ అద్భుతంగా చేశాడు. టీజ‌ర్ భ‌యాన‌కంగా ఆధ్యాంతం ఆక‌ట్టుకుంటుంది. సైక‌లాజిక‌ల్ థ్రిల్ల‌ర్‌గా తెర‌కెక్కిన ఈ చిత్రంలో సుధీర్‌గా జోడిగా డాలీషా హీరోయిన్‌గా న‌టించింది. శివ బాలాజీ కీల‌క‌పాత్ర‌లో న‌టించాడు. విజేష్ తాయ‌ల్, క‌టూరి వెంక‌టేశ్వ‌రులు, పామిడి చిరంజీవి సంయుక్తంగా ఈ చిత్రాన్ని నిర్మించారు.