Sudha Kongara | ‘ఆకాశం నీ హద్దురా’ సినిమాతో జాతీయ స్థాయిలో మంచి గుర్తింపు తెచ్చుకుంది దర్శకురాలు సుధా కొంగర. తాజాగా ఆమె తీవ్ర గాయాలపాలైంది. ఈ విషయాన్ని స్వయంగా సుధా కొంగర సోషల్ మీడియా ద్వారా అభిమానులతో పంచుకుంది. ఎడమ చేతికి ఫ్యాక్చర్ అయినట్లు ఫోటోను షేర్ చేసింది. ‘చాలా బాధగా ఉంది. ఎంతో చిరాకుగా ఉంది. నెల రోజుల పాటు షూటింగ్కు బ్రేక్ తప్పదు’ అంటూ పోస్ట్ పెట్టింది. దీనిపై సంగీత దర్శకుడు జీ.వి ప్రకాష్ కుమార్ ‘త్వరలోనే కోలుకుంటారు సిస్టర్’ అంటూ కామెంట్ చేశాడు. ఇలా సుధా కొంగర గాయపడిన ఫోటోలు షేర్ చేయడంతో పలువురు నెటీజన్లు మీరు చాలా స్ట్రాంగ్ ఉమెన్.. త్వరగా కోలుకుంటారు అంటూ కామెంట్స్ చేస్తున్నారు.
ప్రస్తుతం సుధా కొంగర ఆకాశం నీ హద్దురా సినిమాను హిందీలో అక్షయ్ కుమార్తో రీమేక్ చేస్తుంది. ఇప్పటికే సగం వరకు షూటింగ్ కూడా పూర్తయింది. రాధిక మదన్ హీరోయిన్గా నటిస్తుంది. 2డీ ఎంటర్టైన్మెంట్స్ బ్యానర్పై సూర్య, జ్యోతికలు నిర్మిస్తున్నారు. విక్రమ్ మల్హోత్ర సహ నిర్మాతగా వ్యవహరిస్తున్నాడు. రెండేళ్ల క్రీతం కరోనా కారణంగా నేరుగా ఓటీటీలో రిలీజైన ఈ సినిమాకు విశేష ఆదరణ లభించింది. ఎయిర్ డెక్కన్ వ్యవస్థాపకుడు జిఆర్ గోపినాథ్ జీవితం ఆధారంగా తెరకెక్కిన ఈ సినిమాలో సూర్య నటనకు ప్రేక్షకులు ఫిదా అయిపోయారు. ఇండియా నుంచి ఈ సినిమాను అధికారకంగా ఆస్కార్కు పంపించారు. కానీ ఆస్కార్ నామినేషన్లో అవకాశం దక్కలేదు.
Super painful. Super annoying! On a break for a month 😒 #NotTheKindOfBreakIWanted pic.twitter.com/AHVR4Nfumf
— Sudha Kongara (@Sudha_Kongara) February 5, 2023