Visit:
Silk Smitha | స్వర్గీయ నటి, ప్రఖ్యాత నాట్యతార సిల్క్‌స్మిత బయోపిక్‌ తెరకెక్కించేందుకు సన్నాహాలు మొదలయ్యాయి. ‘సిల్క్‌స్మిత – క్వీన్‌ ఆఫ్‌ ది సౌత్‌’ అనేది టైటిల్‌. STRI సినిమాస్‌ పతాకంపై ఎస్‌.బి.విజయ్‌ అమృతరాజ్‌ ఈ చిత్రాన్ని నిర్మిస్తున్నారు. జయరామ్‌ శంకరన్‌ దర్శకుడు. ఈ అఫీషియల్‌ బయోపిక్‌లో సిల్క్‌స్మితగా చంద్రిక రవి కనిపించనున్నారు. సిల్క్‌స్మిత పుట్టినరోజు సందర్భంగా ఈ ప్రకటనతోపాటు ఓ ప్రత్యేకమైన వీడియోను మేకర్స్‌ విడుదల చేశారు.
బాలీవుడ్‌ ‘డర్టీ పిక్చర్‌’ చిత్రం సిల్క్‌స్మిత బయోపిక్‌గా అప్పట్లో ప్రచారం జరిగింది. ఆమె జీవితానికి సంబంధించిన కొన్ని అంశాలను ఆ సినిమాలో పొందుపరిచడంతో సినిమాపై మంచి హైప్‌ ఏర్పడి భారీ విజయాన్ని అందుకుంది. ఇప్పుడు రాబోతున్న ‘సిల్క్‌స్మిత – క్వీన్‌ ఆఫ్‌ ది సౌత్‌’ చిత్రం సిల్క్‌ స్మిత అధిరారిక బయోపిక్‌ కావడం గమనార్హం. వచ్చే ఏడాది ప్రారంభంలో ఈ సినిమా షూటింగ్‌ మొదలుకానుంది.
