Mahesh-Trivikram Movie | SSMB28 మూవీ షూటింగ్‌ వీడియో లీక్‌

SSMB28 Movie | 'అల వైకుంఠపురం'లో తర్వాత త్రివిక్రమ్‌ దాదాపు రెండేళ్లు గ్యాప్‌ తీసుకుని మహేష్‌తో సినిమా చేస్తున్నాడు. ప్రస్తుతం ఈ సినిమా షూటింగ్‌ శరవేగంగా జరుగుతుంది.

SSMB28 Movie | ‘అల వైకుంఠపురం’లో తర్వాత త్రివిక్రమ్‌ దాదాపు రెండేళ్లు గ్యాప్‌ తీసుకుని మహేష్‌తో సినిమా చేస్తున్నాడు. ప్రస్తుతం ఈ సినిమా షూటింగ్‌ శరవేగంగా జరుగుతుంది. ‘అతడు’, ‘ఖలేజా’ వంటి కల్ట్‌ క్లాసిక్స్ తర్వాత వీళ్ల కలయికలో తెరకెక్కుతున్న మూడో సినమా కావడంతో అటు మహేష్‌ అభిమానులు ఇటు సినీ ప్రేక్షకులు ఎంతో ఆత్రుతగా ఎదురు చూస్తున్నారు. తాజాగా విడుదలైన ఫస్ట్‌లుక్‌ పోస్టర్‌కు అనూహ్య రెస్పాన్స్‌ వచ్చింది. సిగరెట్‌ కాల్చూతూ నడుచుకుంటూ వస్తున్న స్టిల్‌ మహేష్‌ అభిమనులను ఖుషీ చేసింది. ఇక ఇదిలా ఉంటే తాజాగా ఈ సినిమా నుంచి ఓ చిన్న వీడియో క్లిప్‌ లీకైంది.

ఆ వీడియోలో మహేష్‌ సిగరెట్‌ కాల్చుతూ కారులో నుంచి దిగి ముందుకు వెళ్తున్నాడు. ఫస్ట్‌లుక్‌ పోస్టర్‌ చిత్రీకరణకు సంబంధించిన ఈ వీడియో నెట్టింట తెగ వైరల్‌ అవుతుంది. చాలా కాలం తర్వాత మహేష్‌ స్వాగ్‌, యాటిట్యూడ్‌ ఉన్న క్యారెక్టర్‌ చేయబోతున్నట్లు వీడియో చూస్తే స్పష్టమౌవుతుంది. ఫ్యామిలీ ఎంటర్‌టైనర్‌గా తెరకెక్కుతున్న ఈ సినిమాను అమరావతికి అటు ఇటు అనే టైటిల్‌ను ఫిక్స్‌ చేసినట్లు వార్తలు వినిపిస్తున్నాయి. ఇక ఈ సినిమాను హారికా అండ్‌ హాసినీ క్రియేషన్స్‌ పతాకంపై చినబాబు నిర్మిస్తున్నాడు. మహేష్‌కు జోడీగా పూజా హెగ్డే, శ్రీలీలలు నటిస్తున్నారు. సంక్రాంతి కానుకగా వచ్చే ఏడాది జనవరి 13న ఈ సినిమాను రిలీజ్‌ చేస్తున్నట్లు చిత్రబృందం తాజాగా ప్రకటించింది.

#SSMB28 #leaked
🔥🔥🔥🔥🔥 pic.twitter.com/maiN7h7kMh

— immortal (@Aakash67169863) March 27, 2023