మ‌హేష్‌బాబు సినిమాలో ఛాన్స్ కొట్టేసిన పెళ్లి సంద‌D హీరోయిన్..

Srileela | సినీరంగంలో కొంద‌రు హీరోయిన్లకు స‌క్సెస్ రావ‌డానికి చాలా స‌మ‌యం ప‌డుతుంది. అదే కొంత మందికి మాత్రం మొద‌టి సినిమాతోనే మంచి విజ‌యంతో పాటు క్రేజ్‌ను దక్కించుకుంటారు. ఈ క్ర‌మంలోనే మొద‌టి సినిమాతోనే మంచి క్రేజ్‌ను సంపాదించుకుంది శ్రీలీల. ద‌ర్శ‌కేంద్రుడు రాఘ‌వేంద్ర రావు ప‌ర్య‌వేక్ష‌ణ‌లో రోష‌న్ కుమార్ హీరోగా శ్రీలీల హీరోయిన్‌గా న‌టించిన చిత్రం పెళ్లి సంద‌D. గ‌త ఏడాది ద‌స‌రా కానుక‌గా విడుద‌లైన ఈ చిత్రం మిక్స్‌డ్ టాక్ తెచ్చుకున్నప్ప‌టికి బాక్సాఫీస్ ద‌గ్గ‌ర మంచి క‌లెక్ష‌న్‌లు సాధించింది. ముఖ్యంగా ఈ సినిమాలో శ్రీలీల త‌న‌దైన న‌ట‌న‌, అందంతో ప్రేక్ష‌కుల‌ను విప‌రీతంగా ఆక‌ట్టుకుంది. ఈ చిత్రం త‌ర్వాత ఈమెకు అవ‌కాశాలు క్యూలు క‌ట్టాయి. ఇప్ప‌టికే ఈవిడ చేతిలో అర‌డ‌జ‌ను సినిమాలున్నాయి. తాజాగా ఈమెకు మ‌రో స్టార్ హీరో సినిమాలో న‌టించే ఛాన్స్ వ‌చ్చిన‌ట్లు స‌మాచారం.

తాజాగా అందుతున్న స‌మాచారం ప్ర‌కారం త్రివిక్ర‌మ్- మ‌హేష్‌బాబు కాంబోలో వ‌స్తున్న హ్య‌ట్రిక్ చిత్రం #SSMB28లో సెకండ్ హీరోయిన్‌గా శ్రీలీలను ఎంపిక చేయాల‌ని త్రివిక్ర‌మ్ భావిస్తున్నాడ‌ట‌. ఇందులో మెయిన్ హీరోయిన్‌గా పూజా హెగ్డే కన్ఫార్మ్ అవ్వ‌గా సెకండ్ హీరోయిన్‌గా శ్రీలీలను తీసుకోనున్న‌ట్లు స‌మాచారం. హారికా అండ్ హాసినీ క్ర‌యేష‌న్స్ ప‌తాకంపై చిన‌బాబు ఈ చిత్రాన్ని నిర్మిస్తున్నాడు. ఎస్ఎస్ థ‌మ‌న్ సంగీతం అందిస్తున్న ఈ చిత్ర పూజా కార్య‌క్ర‌మాలు గ‌త‌శుక్ర‌వారం రామానాయుడు స్టూడియోస్‌లో జరిగాయి.ఇక శ్రీలీల ప్ర‌స్తుతం ర‌వితేజ‌తో ధ‌మాకాలో న‌టిస్తుంది. దీంతో పాటుగా న‌వీన్ పొలిశెట్టి అన‌గ‌న‌గా ఒక‌రాజు సినిమాలో హీరోయిన్‌గా న‌టిస్తుంది.