Bellamkonda Wedding | శ్రీవారి సన్నిధిలో బెల్లంకొండ వివాహం.. హైదరాబాద్‌లో గ్రాండ్ రిసెప్షన్!

Sreenivasa Kavyanam | టాలీవుడ్ యంగ్ హీరో బెల్లంకొండ సాయి శ్రీనివాస్ ఒక ఇంటివాడు కాబోతున్నాడు. కావ్య అనే యువతితో కలిసి ఆయన త్వరలో వైవాహిక జీవితంలోకి అడుగుపెట్టనున్నాడు.

Sreenivasa Kavyanam | టాలీవుడ్ యంగ్ హీరో బెల్లంకొండ సాయి శ్రీనివాస్ ఒక ఇంటివాడు కాబోతున్నాడు. కావ్య అనే యువతితో కలిసి ఆయన త్వరలో వైవాహిక జీవితంలోకి అడుగుపెట్టనున్నాడు. తాజాగా వీరికి పెళ్లికి సంబంధించిన ముహూర్తం ఖరారైనట్లు తెలుస్తుంది. ఏప్రిల్ 29వ తేదీ రాత్రి 11:13 గంటలకు తిరుమల పుణ్యక్షేత్రంలో శ్రీవారి సాక్షిగా అత్యంత వైభవంగా వీరి వివాహ వేడుక జరగబోతున్న‌ట్లు స‌మాచారం. సంప్రదాయబద్ధంగా సాగే ఈ వైదిక వేడుక కోసం వధూవరులిద్దరూ ప్రముఖ ఫ్యాషన్ డిజైనర్ శ్రవణ్ కుమార్ ప్రత్యేకంగా రూపొందించిన వస్త్రాలను ధరించబోతున్నారు.

తిరుమలలో కేవలం కుటుంబ సభ్యులు మరియు అత్యంత సన్నిహితుల సమక్షంలో ఈ పెళ్లి వేడుక ఏకాంతంగా జరగనుంది. అనంతరం మే నెలలో హైదరాబాద్‌లో చిత్ర పరిశ్రమకు చెందిన ప్రముఖులు, రాజకీయ నాయకులు మరియు బంధుమిత్రుల కోసం భారీ ఎత్తున రిసెప్షన్ నిర్వహించబోతున్నారు.