Sonu Sood | బాలీవుడ్ స్టార్ నటుడు, రియల్ హీరో సోనూసూద్ను రైల్వే అధికారులు సున్నితంగా హెచ్చరించారు. ఇటీవల ఆయన పోస్టు చేసిన ఓ వీడియోనే ఇందుకు కారణమైంది. డిసెంబర్ 13వ తేదీన సోనూసూద్ ట్విట్టర్లో ఓ వీడియో పోస్టు చేశారు. అందులో కదులుతున్న రైల్లో సోనూసూద్ ఫుట్ బోర్డుపై అజాగ్రత్తగా ప్రయాణిస్తూ కనిపించారు. హ్యాండ్రైల్ పట్టుకుని రైలు తలుపు అంచున తన కాలి వేళ్లపై కూర్చొని.. రైలు నుంచి బయటకు చూస్తూ కనిపించారు. దీనిపై అప్పట్లో నెటిజన్లు తీవ్ర స్థాయిలో మండిపడ్డారు.
కాగా, ఈ ఘటనపై రైల్వే అధికారులు తాజాగా స్పందించారు. రియల్ హీరోని సున్నితంగా హెచ్చరించారు. రైల్లో ఇలా ప్రయాణించడం చాలా ప్రమాదకరమని ట్విట్టర్లో వ్యాఖ్యానించారు. ‘డియర్ సోనూ సూద్. మీరు ఎంతో మందికి రోల్ మోడల్. ఇలా రైలు మెట్లపై ప్రయాణించడం చాలా ప్రమాదకరం. ఇలాంటి వీడియోలతో మీ అభిమానులకు తప్పుడు సందేశం పంపినట్లవుతుంది. మరోసారి ఇలాంటివి చేయకండి. రైలు ద్వారా సున్నితమైన, సురక్షితమైన ప్రయాణాన్ని ఆస్వాదించండి’ అంటూ పోస్టు చేసింది. ప్రస్తుతం ఈ పోస్ట్ నెట్టింట వైరల్ అవుతోంది.
प्रिय, @SonuSood
देश और दुनिया के लाखों लोगों के लिए आप एक आदर्श हैं। ट्रेन के पायदान पर बैठकर यात्रा करना खतरनाक है, इस प्रकार की वीडियो से आपके प्रशंसकों को गलत संदेश जा सकता है।
कृपया ऐसा न करें! सुगम एवं सुरक्षित यात्रा का आनंद उठाएं। https://t.co/lSMGdyJcMO
— Northern Railway (@RailwayNorthern) January 4, 2023