Prince Movie Run Time | ‘రెమో’ సినిమాతో తెలుగు ప్రేక్షకులకు పరిచయమైన శివ కార్తికేయన్.. ‘డాక్టర్’, ‘డాన్’ వంటి బ్యాక్ టు బ్యాక్ హిట్లతో తెలుగులో మంచి క్రేజ్ తెచ్చుకున్నాడు. ప్రస్తుతం ఈయన నటించిన ప్రిన్స్ విడుదలకు సిద్ధంగా ఉంది. జాతిరత్నాలు ఫేం అనుదీప్ కేవి ఈ చిత్రానికి దర్శకత్వం వహించాడు. ఇప్పటికే చిత్రం నుండి రిలీజైన టీజర్, ట్రైలర్లు సినిమాపై విపరీతమైన అంచానాలు క్రియేట్ చేశాయి. రొమాంటిక్ కామెడీ ఎంటర్టైనర్గా తెరకెక్కిన ఈ చిత్రం దీపావళి కానుకగా అక్టోబర్ 21న విడుదల కానుంది. ఈ క్రమంలో చిత్రబృందం వరుస ప్రమోషన్లతో బిజీ బిజీగా గడుపుతున్నారు. తాజాగా ఈ చిత్రం సెన్సార్ పూర్తి చేసుకుంది.
ఈ చిత్రానికి సెన్సార్ యూ/ఏ సర్టిఫికేట్ను జారీ చేసింది. ఇక ఈ సినిమా రన్ టైం 2గంటల 11 నిమిషాలు ఉండనుంది. ద్విభాషా చిత్రంగా తెరకెక్కిన ఈ మూవీను శ్రీ వెంకటేశ్వర సినిమాస్ ఎల్ఎల్పి, సురేష్ ప్రొడక్షన్స్, శాంతి టాకీస్ బ్యానర్లు సంయుక్తంగా నిర్మించాయి. శివ కార్తికేయన్కు జోడీగా మరియా ర్యాబోషప్క హీరోయిన్గా నటించింది. సత్యరాజ్ కీలకపాత్రలో నటించిన ఈ చిత్రానికి థమన్ సంగీతం అందించాడు. ఇప్పటికే రిలీజ్ అయిన అన్ని పాటలు ప్రేక్షకులను విపరీతంగా ఆకట్టుకున్నాయి. అయితే ముందుగా ఈ చిత్రాన్ని మేకర్స్ ఆగస్టు చివరి వారంలో విడుదల చేయనున్నట్లు ప్రకటించారు. కానీ పలు కారణాల వల్ల దీపావళికి పోస్ట్పోన్ చేశారు.