Siddhu Jonnalagadda | సిద్ధు జొన్నలగడ్డ బర్త్‌డే స్పెషల్.. ‘ఏజెంట్ ఆత్రేయ’ దర్శకుడితో కొత్త సినిమా

Siddhu Jonnalagadda | టాలీవుడ్ స్టార్ బాయ్, 'టిల్లు' ఫేమ్ సిద్ధు జొన్నలగడ్డ పుట్టినరోజు నేడు. ఈ సందర్భంగా ఆయన అభిమానులకు అదిరిపోయే అప్‌డేట్ అందింది.

Siddhu Jonnalagadda | టాలీవుడ్ స్టార్ బాయ్ సిద్ధు జొన్నలగడ్డ కొత్త సినిమాను ప్రారంభించాడు. నేడు ఆయ‌న పుట్టిన‌రోజు సందర్భంగా అభిమానులకు అదిరిపోయే అప్‌డేట్ అందింది. ప్ర‌స్తుతం స‌రైన హిట్లు లేక స‌త‌మ‌వుతున్న‌ సిద్ధు తన తదుపరి చిత్రాన్ని దర్శకుడు స్వరూప్ ఆర్‌ఎస్‌జే (ఏజెంట్ సాయి శ్రీనివాస ఆత్రేయ ఫేమ్) తో చేయనున్నట్లు అధికారికంగా ప్రకటించారు. ఈ క్రేజీ కాంబినేషన్‌లో రాబోతున్న చిత్రాన్ని ప్రముఖ నిర్మాణ సంస్థలు సితార ఎంటర్‌టైన్‌మెంట్స్ మరియు ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి.

ప్రస్తుతం ‘ప్రొడక్షన్ నెం. 40’గా పిలుస్తున్న ఈ సినిమాకు సంబంధించి త్వ‌ర‌లోనే మ‌రిన్ని వివ‌రాల‌ను చిత్ర‌బృందం వెల్ల‌డించ‌నుంది. సిద్ధు తనదైన శైలిలో మరోసారి వెండితెరపై మ్యాజిక్ చేయడానికి సిద్ధమవుతున్నారని ఈసారి బాక్సాఫీస్ వద్ద బ్లాస్ట్ ఖాయమని చిత్ర యూనిట్ ధీమా వ్యక్తం చేస్తూ సిద్ధుకు పుట్టినరోజు శుభాకాంక్షలు తెలిపింది. సితార బ్యానర్‌లో సిద్ధుకి ఇది హ్యాట్రిక్ సినిమా కావడం విశేషం.

Happy Birthday! @Siddubuoyoffl https://t.co/BbYMQXpZuX

— Swaroop RSJ (@swarooprsj) February 7, 2026