Visit:
Nani – Srikanth Odela | దసరా ద‌ర్శ‌కుడు శ్రీకాంత్‌ ఓదెల – నాని కాంబోలో మ‌రో సినిమా రాబోతున్న విష‌యం తెలిసిందే. దసరా పండుగ‌ను పురస్కరించుకుని ఈ సినిమా లాంచ్ అవ్వ‌గా.. ఈ సినిమా దసరా సినిమాను మించే స్థాయిలో ఉంటుంద‌ని క‌థ క‌థానాల్లో ఉహించ‌ని ట్విస్ట్‌లు ఉంటాయ‌ని నాని తెలిపారు.
అయితే ఈ సినిమాలో క‌థానాయిక‌కు సంబంధించి ఒక సాలిడ్ న్యూస్ సోష‌ల్ మీడియాలో చ‌క్క‌ర్లు కొడుతున్నాయి. ఈ మూవీలో హీరోయిన్‌గా ‘స్త్రీ 2’తో బ్లాక్ బ‌స్ట‌ర్ అందుకున్న శ్రద్ధా కపూర్ న‌టించ‌బోతున్న‌ట్లు బాలీవుడ్‌తో పాటు టాలీవుడ్ మీడియాలో వార్తలు వైర‌ల‌వుతున్నాయి. అయితే దీనిపై చిత్రబృందం క్లారిటీ ఇవ్వ‌వ‌ల‌సి ఉంది. శ్రీ లక్ష్మీ వెంకటేశ్వర సినిమాస్‌ పతాకంపై ‘దసరా’ నిర్మాత సుధాకర్‌ చెరుకూరి ఈ సినిమాను నిర్మిస్తుండ‌గా.. నటీనటులు, ఇతర సాంకేతిక నిపుణుల వివరాలను త్వరలోనే వెల్లడించనున్నారు.
