Ghost Movie | శత్రువులను చీల్చి చెండాడుతున్న శివన్న.. ఉత్కంఠ రేకెత్తిస్తున్న ఘోస్ట్‌ ట్రైలర్‌..!

Ghost Movie | జైలర్‌లో నరసింహగా శివరాజ్‌ కుమార్‌ క్షణాల పాటు కనిపిస్తేనే తెలుగు ప్రేక్షకులు చొక్కాలు చింపుకున్నారు. ఆయన ఎంట్రీకి అరుపులు, కేకలతో థియేటర్‌లు దద్దరిల్లేలా చేశారు. అలాంటిది ఇప్పుడు ది ఘోస్ట్‌ అంటూ ఫుల్‌ లెంగ్త్‌ సినిమాతో రాబోతున్నాడు.

Ghost Movie | జైలర్‌లో నరసింహగా శివరాజ్‌ కుమార్‌ క్షణాల పాటు కనిపిస్తేనే తెలుగు ప్రేక్షకులు చొక్కాలు చింపుకున్నారు. ఆయన ఎంట్రీకి అరుపులు, కేకలతో థియేటర్‌లు దద్దరిల్లేలా చేశారు. అలాంటిది ఇప్పుడు ది ఘోస్ట్‌ అంటూ ఫుల్‌ లెంగ్త్‌ సినిమాతో రాబోతున్నాడు. ఇప్పటికే రిలీజైన గ్లింప్స్‌ సాండల్‌ వుడ్‌ సహా అన్ని వుడ్‌ల నుంచి ఊహించని రెస్పాన్స్‌ తెచ్చుకుంది. శివన్నను ఆ రేంజ్‌ మాస్‌లో చూసి మన ఆడియెన్స్‌ సైతం సినిమా గురించి అమితాసక్తితో ఎదురు చూస్తున్నారు. శ్రీని దర్శకత్వం వహిస్తున్న ఈ సినిమాలో శివన్న ఊరమాస్‌గా కనిపించనున్నాడు. తాజాగా మేకర్స్‌ ట్రైలర్‌ను రిలీజ్‌ చేశారు.

ట్రైలర్‌తో సినిమాపై ఓ చిన్న క్లారిటీ వచ్చేసింది. సామ్రాజ్యాలు సృష్టించే వాడిని చరిత్ర మర్చిపోతుందేమో కానీ.. విధ్వంసం సృష్టించిన వాడిని ఎప్పుడూ మర్చిపోదంటూ ఒక్క డైలాగ్‌తోనే సినిమా థీమ్‌ ఏంటో మేకర్స్‌ చెప్పాశారు. సాత్వికంగా ఉండే శివన్న కొన్ని కారణాల వల్ల వైలెంట్‌ మ్యాన్‌గా మారి శత్రువులను చీల్చీ చెండాడుతూ ఉంటాడు. ఇంతకీ శివన్న విధ్వంసం వెనుక కారణాలేంటి? ఆయన మోటీవ్‌ ఏంటి అనేది సినిమాలో చూడాలి. ట్రైలర్‌ మొత్తం యాక్షన్‌ పార్ట్‌తో నిండిపోయింది. బీ, సీ సెంటర్‌లకు వచ్చే ఆడియెన్స్ ఏమేమి కోరుకుంటాడో అవన్నీ ఈ సినిమాలో పుష్కలంగా ఉండబోతున్నట్లు ట్రైలర్‌తో క్లారిటీ వచ్చింది. ఈ సినిమా అక్టోబర్‌ 19న పాన్‌ ఇండియా లెవల్లో రిలీజ్‌ కాబోతుంది.

యాక్షన్ థ్రిల్లర్ నేపథ్యంలో తెరకెక్కుతున్న ఈ సినిమాను సందేశ్‌ ప్రొడక్షన్స్‌ పతాకంపై సందేశ్‌ నాగరాజ్‌ నిర్మిస్తున్నారు. అనుపమ్ ఖేర్, జయరామ్, ప్రశాంత్ నారాయణ్, అర్చన జాయిస్, సత్య ప్రకాష్, దత్తన్న ప్రధాన పాత్రలు పొషిస్తున్నారు. భారీ బడ్జెట్‌తో రూపొందుతున్న ఈ సినిమాలో శివరాజ్ కుమార్ మొత్తం మూడు గెటప్స్‌లో అల‌రించనున్నాడు.