Sharanya | ఈశ్వర్ సాయి వివాదంలో భార్య శరణ్య సంచలన వ్యాఖ్యలు.. ఆ రోజు ఏం జరిగిందంటే..

Sharanya | ప్రముఖ ఫోక్ సింగర్ ఈశ్వర్ సాయి, డ్యాన్సర్ మాధురి రాథోడ్ మధ్య కొనసాగుతున్న వివాదం మరోసారి చర్చనీయాంశంగా మారింది. ఈ వ్యవహారంపై ఈశ్వర్ సాయి భార్య శరణ్య తాజాగా ఓ ఇంటర్వ్యూలో స్పందించారు. వివాదం చోటుచేసుకున్న రోజు నుంచి పోలీసుల జోక్యం, లీకైన ఆడియో కాల్, కుటుంబంలో చోటుచేసుకున్న పరిణామాల వరకు పలు విషయాలపై ఆమె తన వాదనను వెల్లడించారు. ఈ సందర్భంగా శరణ్య చేసిన వ్యాఖ్యలు సోషల్ మీడియాలో చర్చకు దారితీస్తున్నాయి.

Sharanya | ప్రముఖ ఫోక్ సింగర్ ఈశ్వర్ సాయి, డ్యాన్సర్ మాధురి రాథోడ్ మధ్య కొనసాగుతున్న వివాదం మరోసారి చర్చనీయాంశంగా మారింది. ఈ వ్యవహారంపై ఈశ్వర్ సాయి భార్య శరణ్య తాజాగా ఓ ఇంటర్వ్యూలో స్పందించారు. వివాదం చోటుచేసుకున్న రోజు నుంచి పోలీసుల జోక్యం, లీకైన ఆడియో కాల్, కుటుంబంలో చోటుచేసుకున్న పరిణామాల వరకు పలు విషయాలపై ఆమె తన వాదనను వెల్లడించారు. ఈ సందర్భంగా శరణ్య చేసిన వ్యాఖ్యలు సోషల్ మీడియాలో చర్చకు దారితీస్తున్నాయి. అయితే ఆమె వెల్లడించిన విషయాలు ఆమె వాదనగా మాత్రమే పరిగణించాల్సి ఉంటుంది. ఘటన జరిగిన రోజును గుర్తు చేసుకుంటూ శరణ్య కీలక విషయాలను వెల్లడించారు. మొదట మాధురిని కొట్టానని, ఆ తర్వాత తన భర్త ఈశ్వర్ సాయిని కూడా కొట్టానని ఆమె చెప్పారు. అయితే ఈశ్వర్ సాయిని కొడుతున్న దృశ్యాలు బయటకు రాలేదని తెలిపారు. కోపంలో తాను ఫోన్‌ను కింద పడేయడంతో ఆ సమయంలో వీడియో రికార్డింగ్ ఆగిపోయిందని వివరించారు.

పోలీసుల సమక్షంలో కూడా తన భర్తను మోసం చేయవద్దని, కుటుంబం బాగుండాలని కోరుకున్నట్లు శరణ్య పేర్కొన్నారు. తాను ఈశ్వర్ సాయిని కొడుతున్న సమయంలో ఆయన నిశ్శబ్దంగా ఉండటానికి కారణం కూడా శరణ్య వివరించారు. తప్పు చేసినప్పుడు ఈశ్వర్ సాధారణంగా సైలెంట్‌గా ఉంటాడని ఆమె చెప్పారు. అంతేకాకుండా, ఆ రోజు ఈశ్వర్ సాయి మద్యం సేవించి ఉన్నాడని కూడా శరణ్య పేర్కొన్నారు. అయితే ఈ వ్యాఖ్యలపై ఈశ్వర్ సాయి నుంచి వచ్చే స్పందన ఏమిటనేది ఆసక్తికరంగా మారింది. ఈ వివాదంలో పోలీసుల జోక్యం గురించి కూడా శరణ్య మాట్లాడారు. మొదట పోలీసులను ఆశ్రయించకూడదనే తాను భావించానని తెలిపారు. అయితే కుటుంబ సభ్యుల సలహా మేరకు పోలీసులకు ఫోన్ చేసినట్లు చెప్పారు.తర్వాత వేములవాడ పోలీస్ స్టేషన్‌కు వెళ్లినప్పుడు అక్కడి ఓ ఉన్నతాధికారి ఇద్దరి భవిష్యత్తును దృష్టిలో పెట్టుకుని కేసు పెట్టవద్దని సూచించారని ఆమె తెలిపారు. ఏదైనా సమస్య వస్తే తాము అండగా ఉంటామని ఆ అధికారి హామీ ఇచ్చినట్లు శరణ్య పేర్కొన్నారు.

ఈశ్వర్ సాయి, మాధురి రాథోడ్ మధ్య జరిగినట్లు ప్రచారంలోకి వచ్చిన ఆడియో కాల్‌పైనా శరణ్య స్పందించారు. ఈశ్వర్ సాయి ఇంటికి తిరిగి వచ్చిన తర్వాతే ఆ సంభాషణ జరిగినట్లు ఆమె తెలిపారు. కుటుంబంలో గొడవల కారణంగా ఈశ్వర్ కొద్దిరోజులు ఇంటికి దూరంగా వెళ్లిన సమయంలో మాధురితో ఈ సంభాషణ జరిగిందని చెప్పారు. తనకు అందిన ఆడియోలో ఈశ్వర్ సాయి.. మాధురితో పెళ్లి చేసుకోవాల్సిన అవసరం లేదని, ఇద్దరూ కలిసి సంపాదించుకోవచ్చని, సమాజాన్ని, శరణ్యను తాను చూసుకుంటానని చెప్పినట్లు శరణ్య పేర్కొన్నారు.ఈ ఆడియోను తనకు ఇతర వ్యక్తులు పంపించారని ఆమె తెలిపారు. అయితే ఆ ఆడియో పూర్తి నేపథ్యం, దాని ప్రామాణికతపై సంబంధిత వ్యక్తుల నుంచి అధికారిక స్పష్టత రావాల్సి ఉంది. మాధురి రాథోడ్‌కు సంబంధించిన కాల్ లిస్ట్, ఇతర రికార్డింగ్స్ పోలీసుల వద్ద ఉన్నాయని శరణ్య పేర్కొన్నారు. మీడియా కోరితే వాటిని బయటకు తీసుకురావచ్చని ఆమె వ్యాఖ్యానించారు.