దక్షిణాది చిత్రాల్లో నటిస్తా!

మంచి కథ కుదిరితే దక్షిణాది భాషా చిత్రాల్లో నటిస్తానని చెప్పారు బాలీవుడ్‌ అగ్ర నటుడు షాహిద్‌ కపూర్‌. ఎంత పెద్ద ఆఫర్‌ వచ్చినా హాలీవుడ్‌ సినిమాల్లోకి వెళ్లనని స్పష్టం చేశారు. బాలీవుడ్‌లో పలు విజయవంతమైన చిత్రాల కథానాయకుడిగా యువతరంలో మంచి క్రేజ్‌ను సంపాదించుకున్నాడు షాహిద్‌కపూర్‌. ఆయన సినీరంగంలో ఇరవై ఏండ్ల ప్రయాణాన్ని పూర్తి చేసుకున్నారు.

మంచి కథ కుదిరితే దక్షిణాది భాషా చిత్రాల్లో నటిస్తానని చెప్పారు బాలీవుడ్‌ అగ్ర నటుడు షాహిద్‌ కపూర్‌. ఎంత పెద్ద ఆఫర్‌ వచ్చినా హాలీవుడ్‌ సినిమాల్లోకి వెళ్లనని స్పష్టం చేశారు. బాలీవుడ్‌లో పలు విజయవంతమైన చిత్రాల కథానాయకుడిగా యువతరంలో మంచి క్రేజ్‌ను సంపాదించుకున్నాడు షాహిద్‌కపూర్‌. ఆయన సినీరంగంలో ఇరవై ఏండ్ల ప్రయాణాన్ని పూర్తి చేసుకున్నారు.

ఈ సందర్భంగా ఇచ్చిన ఓ ఇంటర్వ్యూలో తన కెరీర్‌ గురించి ముచ్చటించారు. తన సమకాలీనులు హాలీవుడ్‌ను తదుపరి గమ్యంగా ఎంచుకుంటున్నారని, తనకు మాత్రం అలాంటి ఆలోచనలు లేవని చెప్పారు. మనది కాని సంస్కృతిలో ఇమడటం అంత సులభం కాదని, అందుకే హాలీవుడ్‌పై ఆసక్తి లేదన్నారు. తెలుగు, తమిళం, మలయాళం భాషల్లో అద్భుత చిత్రాలు రూపొందుతున్నాయని, ఓ భారతీయ నటుడిగా దక్షిణాది చిత్రాల్లో భాగం కావాలని షాహిద్‌కపూర్‌ ఆశాభావం వ్యక్తం చేశారు.