Dunki Teaser | నలుగురు స్నేహితుల కథతో డంకీ.. ఆకట్టుకుంటున్న టీజర్‌

Dunki Teaser | ‘పఠాన్‌' ‘జవాన్‌' చిత్రాలతో ఈ ఏడాది భారీ విజయాలను తన ఖాతాలో వేసుకున్నారు అగ్ర హీరో షారుఖ్‌ఖాన్‌. ఆయన రాజ్‌కుమార్‌ హిరాణీ దర్శకత్వంలో నటిస్తున్న తాజా చిత్రం ‘డంకీ’ క్రిస్మస్‌ సందర్భంగా ప్రేక్షకుల ముందుకురానుంది. గురువారం షారుఖ్‌ఖాన్‌ జన్మదినం సందర్భంగా టీజర్‌ను విడుదల చేశారు.

Dunki Teaser | ‘పఠాన్‌’ ‘జవాన్‌’ చిత్రాలతో ఈ ఏడాది భారీ విజయాలను తన ఖాతాలో వేసుకున్నారు అగ్ర హీరో షారుఖ్‌ఖాన్‌. ఆయన రాజ్‌కుమార్‌ హిరాణీ దర్శకత్వంలో నటిస్తున్న తాజా చిత్రం ‘డంకీ’ క్రిస్మస్‌ సందర్భంగా ప్రేక్షకుల ముందుకురానుంది. గురువారం షారుఖ్‌ఖాన్‌ జన్మదినం సందర్భంగా టీజర్‌ను విడుదల చేశారు. విదేశాలకు వెళ్లాలనుకునే నలుగురు స్నేహితుల చుట్టూ అల్లుకున్న కథ ఇది. ఈ క్రమంలో వారికి ఎదురైన సవాళ్లను హాస్యప్రధానంగా చూపించారు.

యధార్థ సంఘటనల ఆధారంగా రాసుకున్న ఈ కథలో ప్రేమ, స్నేహం గొప్పదనాన్ని ఆవిష్కరిస్తూ తనదైన శైలి ఎమోషన్స్‌తో తెరకెక్కించారు దర్శకుడు రాజ్‌కుమార్‌ హీరాణీ. వినోదం, సందేశం ప్రధానంగా ఈ చిత్రం అన్ని వర్గాలను ఆకట్టుకుంటుందని చిత్రబృందం పేర్కొంది. జియో స్టూడియోస్‌, రెడ్‌ చిల్లీస్‌ ఎంటర్‌టైన్‌మెంట్‌ సంస్థలు సంయుక్తంగా ఈ చిత్రాన్ని నిర్మిస్తున్నాయి.