Ramaiya Vastavaiya | బాలీవుడ్ బాద్షా నటుడు షారుఖ్ఖాన్ (Shah Rukh Khan) నటిస్తున్న తాజా యాక్షన్ ఎంటర్టైనర్ ‘జవాన్’(Jawan). అట్లీ (Atlee) దర్శకత్వంలో రెడ్ చిల్లీస్ ఎంటర్టైన్మెంట్ (Red Chillies Entertainments) సమర్పణలో గౌరీ ఖాన్ ఈ చిత్రాన్ని నిర్మిస్తున్నారు. సెప్టెంబరు 7న ప్రపంచవ్యాప్తంగా ఈ చిత్రం ప్రేక్షకుల ముందుకు రానుంది. ఇక ఇప్పటికే ఈ సినిమా నుంచి విడుదలైన ఫస్ట్ లుక్తో పాటు, టీజర్, ట్రైలర్లకు ప్రేక్షకుల నుంచి వీర లెవల్లో రెస్పాన్స్ వచ్చింది. ఈ క్రమంలో మేకర్స్ బ్యాక్ టు బ్యాక్ అప్డేట్లు ప్రకటిస్తూ సినిమాపై తిరుగులేని హైప్ క్రియేట్ చేస్తున్నారు. తాజాగా ఈ సినిమా నుంచి థర్డ్ సింగిల్ను విడుదల చేశారు.
ఇప్పటికే జిందా బందా, ‘చలేయా’ అనే సాంగ్లతో ప్రేక్షకులను ట్రీట్ చేసిన జవాన్ మేకర్స్.. తాజాగా ‘నాట్ రామయ్యా వస్తావయ్యా’ (Not Ramaiyavastavaiya) అనే పార్టీ సాంగ్ను విడుదల చేశారు. అప్పుడేమో చయ్యా చయ్యా రే.. ఇప్పుడేమో థా థా థైయా.. రామయ్యా… వస్తావయ్యా.. అంటూ సాగిన ఈ పాట హై-ఎనర్జీ సెలబ్రేషన్లా ఉంది. ఇక ఈ పాటపై షారుఖ్ఖాన్ స్పందిస్తూ.. ఇది చయ్యా చయ్యా కాదు. ఇది నాట్ రామయ్యా వస్తావయ్యా ఇది జవాన్ థా థా థైయా అంటూ సోషల్ మీడియాలో పోస్టు చేశాడు.
ఇది చయ్యా చయ్యా కాదు. ఇది #NotRamaiyaVastavaiya. ఇది జవాన్ థా థా థైయా.
Idhi chaiya chaiiya Kadhu. Idhi #NotRamaiyavastavaiya. Idhi Jawan that tha thaiya.
Full Song out now!
Thx @anirudhofficial, @Sreeram_singer, @RakshitaaSuresh, @chandrabose4321, @VMVMVMVMVM#Jawan… pic.twitter.com/6VQ6zY3wkS
— Shah Rukh Khan (@iamsrk) August 29, 2023
అట్లీ దర్శకత్వం వహిస్తున్న ఈ సినిమాను రెడ్ చిల్లీ ఎంటర్టైనమెంట్స్ బ్యానర్పై షారుఖ్ భార్య గౌరీ ఖాన్ నిర్మిస్తుంది. షారుఖ్కు జోడీగా నయనతార నటిస్తుంది. హిందీతో పాటు పాన్ ఇండియా లెవల్లో ఈ సినిమా సెప్టెంబర్ 7న తెలుగు, తమిళం, హిందీ భాషల్లో రిలీజ్ కానుంది. అనురుధ్ రవిచంద్రన్ స్వరాలు అందిస్తున్న ఈ సినిమాలో విజయ్ సేతుపతి ప్రతినాయకుడి పాత్ర పోషించాడు.