Sayaji Shinde | నేను బాగానే ఉన్నాను.. హెల్త్‌పై క్లారిటీ ఇచ్చిన సాయాజీ షిండే

Sayaji Shinde | విల‌క్ష‌ణ న‌టుడు.. కిక్ సినిమా ఫేమ్ సాయాజీ షిండే() అనారోగ్యంతో ఆస్పత్రిలో చేరిన విష‌యం తెలిసిందే. గురువారం ఛాతీలో నొప్పి రావడంతో కుటుంబ సభ్యులు ఆయన‌ను మహారాష్ట్రలోని సతారాలో ఓ ప్రయివేటు ఆస్పత్రిలో చేర్పించారు. సాయాజీకి వైద్య పరీక్షలు నిర్వహించగా, ఈసీజీలో మార్పులు కనిపించాయి.

Sayaji Shinde | విల‌క్ష‌ణ న‌టుడు.. కిక్ సినిమా ఫేమ్ సాయాజీ షిండే (Sayaji shinde) అనారోగ్యంతో ఆస్పత్రిలో చేరిన విష‌యం తెలిసిందే. గ‌త‌ గురువారం ఛాతీలో నొప్పి రావడంతో కుటుంబ సభ్యులు ఆయన‌ను మహారాష్ట్రలోని సతారాలో ఓ ప్రయివేటు ఆస్పత్రిలో చేర్పించారు. సాయాజీకి వైద్య పరీక్షలు నిర్వహించగా, ఈసీజీలో మార్పులు కనిపించాయి. దాంతో, యాంజియోగ్రఫీ పరీక్షకు వైద్యులు సిఫారసు చేశారు. సాయాజీ షిండేకు గుండె కుడివైపున 99 శాతం బ్లాక్స్ ఉన్నట్టు ఆ పరీక్షలో వెల్లడైంది. దాంతో ఆయనకు వైద్యులు యాంజియోప్లాస్టీ చేశారు. ప్రస్తుతం ఆయన ఆరోగ్యం నిలకడగా ఉందని, త్వరలోనే డిశ్చార్జ్ చేస్తామని కూడా డాక్టర్లు తెలిపారు. ఈ విష‌యం తెలుసుకున్న అభిమానులు సాయాజీ షిండే త్వ‌ర‌గా కోలుకోవాలని సందేశాలు పెడుతున్నారు.

అయితే అభిమానులు అందోళ‌న ప‌డుతుండ‌టంతో సాయాజీ షిండే తాను ఇప్పుడు బాగున్న‌ట్లు స్వ‌యంగా ఒక వీడియోను విడుద‌ల చేశాడు. నేను బాగానే ఉన్నాను. కంగారు పడకండి. నన్ను ప్రేమించే అభిమానులు, శ్రేయోభిలాషులు నావెంట ఉన్నంతవ‌ర‌కు నాకు ఏమీ జరగదు. త్వరలోనే మ‌ళ్లీ మీ అంద‌రికీ వినోదం పంచ‌డానికి వ‌స్తాను అంటూ సాయాజీ చెప్పుకోచ్చాడు.

 

View this post on Instagram

 

A post shared by Sayaji Shinde (@sayaji_shinde)