Krishnamma Movie | హీరో సత్యదేవ్ (Satyadev) కథానాయకుడిగా నటిస్తున్న తాజా చిత్రం ‘కృష్ణమ్మ’ (Krishnamma). ఈ సినిమాకు వి.వి.గోపాల కృష్ణ దర్శకత్వం వహిస్తున్నాడు. అరుణాచల క్రియేషన్స్ బ్యానర్లో వస్తున్న ఈ సినిమాను కృష్ణ కొమ్మలపాటి నిర్మిస్తుండగా.. టాలీవుడ్ స్టార్ దర్శకుడు కొరటాల శివ సమర్పిస్తున్నారు. ఇప్పటికే ఈ సినిమా నుంచి ఫస్ట్ లుక్తో పాటు టీజర్ విడుదల చేయగా.. ప్రేక్షకుల నుంచి మంచి రెస్పాన్స్ వచ్చింది. ఇదిలావుంటే తాజాగా ఈ సినిమా నుంచి మేకర్స్ విడుదల తేదీ ప్రకటించారు.
ఈ సినిమాను మే 03న ప్రేక్షకుల ముందుకు తీసుకురానున్నట్లు చిత్రయూనిట్ ప్రకటించింది. ఈ సందర్భంగా యూట్యూబ్ వేదికగా ఒక వీడియో విడుదల చేసింది. ఈ వీడియోలో సత్యదేవ్ జైల్లో ఉండగా భద్ర.. రిలీజ్ అవ్వబోతున్నాం రా అంటూ అవతలి వ్యక్తి అంటాడు.. సత్యదేవ్ ఎప్పుడు అంటూ విడుదల తేదీని ప్రకటించాడు. అతిరా రాజీ ఈ చిత్రంలో హీరోయిన్గా నటిస్తుండగా.. కాల భైరవ సంగీతం అందిస్తున్నాడు. కృష్ణనది పక్కన ఉండే ఓ చిన్న పట్టణంలో ఉండే ముగ్గురు స్నేహితుల కథ ఈ సినిమా. ఈ ముగ్గురికి ఓ విలన్కు మధ్య జరిగే గొడవే ‘కృష్ణమ్మ’. వీరి మధ్య జరిగిన ఓ ఘటన వారి ముగ్గురి జీవితాల్ని ఎలా మలుపు తిప్పింది? ఈ క్రమంలో ఎదురైన సవాళ్లేంటి? అన్నది థియేటర్లో చూడాల్సిందే.