నాన్నకోసం ప్రయాణం..

అమరేశ్‌, ప్రార్థన సందీప్‌ జంటగా నటించిన చిత్రం ‘సత్య’. వాలీ మోహన్‌దాస్‌ దర్శకుడు. ఫొటో జర్నలిస్ట్‌ శివ మల్లాల శివమ్‌ మీడియా పేరుతో చిత్రనిర్మాణ సంస్థను స్థాపించి తొలి ప్రయత్నంగా ఈ చిత్రాన్ని తెలుగుప్రేక్షకులకు అందిస్తున్నారు. త్వరలో సినిమా విడుదల కానుంది.

అమరేశ్‌, ప్రార్థన సందీప్‌ జంటగా నటించిన చిత్రం ‘సత్య’. వాలీ మోహన్‌దాస్‌ దర్శకుడు. ఫొటో జర్నలిస్ట్‌ శివ మల్లాల శివమ్‌ మీడియా పేరుతో చిత్రనిర్మాణ సంస్థను స్థాపించి తొలి ప్రయత్నంగా ఈ చిత్రాన్ని తెలుగుప్రేక్షకులకు అందిస్తున్నారు. త్వరలో సినిమా విడుదల కానుంది. ప్రచారంలో భాగంగా గురువారం హైదరాబాద్‌లో ఈ చిత్రం టీజర్‌ని, పాటను విడుదల చేశారు.

ఈ సందర్భంగా ఏర్పాటు చేసిన విలేకరుల సమావేశంలో నిర్మాత శివ మల్లాల మాట్లాడుతూ ‘అందరు పిల్లలూ నాన్న మనకేం ఇచ్చాడు అని ఆలోచిస్తారు. కానీ నా సినిమాలో హీరో మాత్రం తను నాన్నకి ఏవన్నా ఇవ్వాలని కోరుకుంటాడు. నాన్నకోసం ప్రయాణం మొదలుపెడతాడు. ఈ సినిమాను చాలామంది నిర్మాతలు తెలుగులో విడుదల చేయడానికి ప్రయత్నించినా, సతీశ్‌గారు నాకిచ్చిన మాటకు కట్టుబడి నన్ను నమ్మి నాకు ఈ సినిమా ఇచ్చారు. నిర్మాతగా నా ప్రయాణం ఈ సినిమాతో మొదలైంది. ఇకనుంచి నా సంస్థనుంచి మంచి సినిమాలే వస్తాయి’ అన్నారు.

తమిళంలో ‘రంగోలి’ పేరుతో విడుదలైన ఈ సినిమా పెద్ద సక్సెస్‌ అయ్యిందని, తెలుగులో కూడా ఘనవిజయం సాధించడం ఖాయమని, ఓ లక్ష్యంతో ముందుకెళ్తున్న శివ కచ్చితంగా నిర్మాతగా సక్సెస్‌ అవుతాడని తమిళ వెర్షన్‌ నిర్మాత సతీశ్‌ నమ్మకం వెలిబుచ్చారు. ‘సత్య’ నా కెరీర్‌లోనే స్పెషల్‌ మూవీ. ఎందుకంటే దర్శకుడిగా నాకిది తొలి సినిమా. ఇలాంటి మంచి సినిమా ద్వారా తెలుగు ప్రేక్షకులకు కూడా చేరవకావడం ఆనందంగా ఉంది’ అని దర్శకుడు సంతోషం వ్యక్తం చేశారు. ఇంకా చిత్ర యూనిట్‌తోపాటు. జర్నలిస్టులు ప్రభు, టీవీ9 లక్ష్మీనారాయణ, సినీజోష్‌ రాంబాబు, బీఏ రాజు శివ, తదితరులు మాట్లాడారు.