Sarkaru Vaari Paata Title Song | మహేష్ బాబు నుంచి సినిమా వచ్చి దాదాపు రెండేళ్ళు దాటింది. మహేష్ నుంచి సినిమా ఎప్పుడెప్పుడు వస్తుందా అని అభిమానులు ఎంతగానో ఎదురు చూస్తున్నారు. ప్రస్తుతం ఈయన నటించిన చిత్రం ‘సర్కారు వారి పాట’. గీతా గోవిందం ఫేం పరుశురాం ఈ చిత్రానికి దర్శకత్వం వహించాడు. మొదటి నుంచి సినిమాపైన ప్రేక్షకులలో భారీగా అంచనాలు ఉన్నాయి. ఇటీవలే షూటింగ్ పూర్తి చేసుకున్న ఈ చిత్రాన్ని మే 12న విడుదల చేయనున్నట్లు మేకర్స్ ఇదివరకే ప్రకటించారు. ఈ క్రమంలో చిత్ర బృందం తరచూ ఏదో ఒక అప్డేట్తో ప్రేక్షకుల అటెన్షన్ను తిప్పుకుంటుంది. తాజాగా ఈ చిత్రంలోని టైటిల్ సాంగ్ను మేకర్స్ విడుదల చేశారు.
తాజాగా విడుదలైన ‘సర్కారు వారి పాట’ టైటిల్ సాంగ్ శ్రోతలను ఆకట్టుకుంటుంది. అనంత్ శ్రీరామ్ సాహిత్యం అందించిన ఈ పాటను హరిక నారాయణ్ ఆలిపించింది. తమన్ ఎప్పటిలాగానే ఈ పాటకు మాస్ ట్యూన్తో అదరగొట్టాడు. ఇప్పటివరకు మహేష్ కెరీర్లో టైటిల్ సాంగ్స్ అంటే ‘నీ దూకుడు’, ‘ఆగడు’ అని చెప్పుకునేవారు. ఇప్పుడు ఈ పాట కూడా ఆ లిస్ట్లో జాయిన్ అయింది. ఇందులో విశేషమేంటంటే ఈ మూడింటికి తమన్ స్వరకర్త. ఇప్పటికే సర్కారువారి పాట చిత్రం నుంచి విడుదలైన ‘కళావతి’, ‘పెన్నీ’ పాటలకు ప్రేక్షకుల నుంచి విశేష స్పందన వచ్చింది. తాజాగా విడుదలైన ఈ పాట కూడా ప్రేక్షకులను అలరిస్తుంది. కీర్తి సురేష్ హీరోయిన్గా నటించిన ఈ చిత్రాన్ని మైత్రీ మూవీ మేకర్స్, 14 రీల్స్ సంస్థలతో కలిసి మహేష్ బాబు స్వీయ నిర్మాణంలో తెరకెక్కిస్తున్నాడు.