Sania-Shoaib | సానియా – షోయబ్‌ విడాకులు..! సంచలన విషయాలు వెలుగులోకి..!

Sania-Shoaib | పాక్‌ క్రికెట్‌ జట్టు మాజీ కెప్టెన్‌ షోయబ్ మాలిక్‌‌, నటి సనా జావేద్‌ పెళ్లి సోషల్‌ మీడియాలో తీవ్ర చర్చనీయాంశమైంది. భారత టెన్నిస్‌ స్టార్‌ సానియా, షోయబ్‌ విభేదాలతో కొద్ది నెలల కిందటే ఇద్దరు విడిపోయారు. ఈ జంట విడిపోవడంతో అందరినీ ఆశ్చర్చానికి గురి చేసింది. విడిపోవడానికి కారణం ఏంటన్నది తెలియరాలేదు.

Sania-Shoaib | పాక్‌ క్రికెట్‌ జట్టు మాజీ కెప్టెన్‌ షోయబ్ మాలిక్‌‌, నటి సనా జావేద్‌ పెళ్లి సోషల్‌ మీడియాలో తీవ్ర చర్చనీయాంశమైంది. భారత టెన్నిస్‌ స్టార్‌ సానియా, షోయబ్‌ విభేదాలతో కొద్ది నెలల కిందటే ఇద్దరు విడిపోయారు. ఈ జంట విడిపోవడంతో అందరినీ ఆశ్చర్చానికి గురి చేసింది. విడిపోవడానికి కారణం ఏంటన్నది తెలియరాలేదు. ఇద్దరి మధ్య ఏం జరిగిందనేదానిపై ఎవరూ నోరువిప్పలేదు. అయితే సానియా మీర్జాను షోయబ్‌ మాలిక్‌ మోసం చేసినట్లు పాక్‌ మీడియా కోడై కూసింది. మాలిక్‌ వివాహేతర సంబంధాలే ఇద్దరి వివాహిక జీవితానికి ఎండ్‌కార్డ్‌ పడిందని పాక్‌కు చెందిన ఓ మీడియా నివేదిక పేర్కొంది.

సనా జావేద్‌, షోయబ్‌ మాలిక్‌ గత మూడేళ్లుగా రహస్యంగా కలుకుంటుంన్నారని.. అయితే అప్పటికే సనా జావేద్‌కు ఉమైర్‌ జస్వాల్‌తో పెళ్లయ్యిందని నివేదిక తెలిపింది. ‘జీతో పాకిస్థాన్‌’ షోలో షోయబ్‌ సనాను కలువగా.. ఆ తర్వాత ఇద్దరూ క్రమం తప్పకుండా కలుసుకోవడం మొదలుపెట్టారు. మాజీ క్రికెటర్‌ ఏదైనా షోకు వచ్చే ముందు సనా జావేద్‌ను గెస్ట్‌గా పిలిస్తే వస్తానని కండిషన్‌ పెట్టేవాడని నివేదిక పేర్కొంది. పెళ్లి కొద్దిరోజుల ముందే సనా విడాకుల విషయం ఉమైర్‌ జస్వాల్‌కు చెప్పిందని, ఈ నిర్ణయంతో అతను షాక్‌కు గురయ్యారని మీడియా సంస్థ నివేదిక వెల్లడించింది.

ఇక సానియా-షోయబ్‌ మాలిక్‌ విడాకుల వ్యవహారం శాంతియుతంగా ముగిసిందని.. విడిపోయిన విషయం సైతం ఎవరికీ తెలియలేదని.. ఇదంతా చాలా సైలెంట్‌గా జరిగిందని చెప్పింది. విడిపోయే విషయంలో మాలిక్‌ కుటుంబమంతా సానియాకే మద్దతు తెలిపిందని నివేదిక పేర్కొంది. షోయబ్‌-సనా జావేద్‌ పెళ్లికి కుటుంబీకులు హాజరైనట్లు కూడా తెలియదని తెలిపింది. ఇక సానియా, షోయబ్‌ల వివాహం 2010లో జరిగింది. మాలిక్‌కు సానియా రెండో భార్య కాగా.. అంతకు ముందు హైదరాబాద్‌కే చెందిన ఆయేషా సిద్ధిఖీని సైతం పెళ్లి చేసుకున్న విషయం తెలిసిందే. షోయబ్‌కు సనా మూడో భార్య కాగా.. ఇప్పటికే సానియా – షోయబ్‌కు కొడుకు ఇజాన్‌ ఉన్నాడు.