Samantha | స‌మంత ‘య‌శోదా’ విడుద‌ల వాయిదా ప‌డ‌నుందా?

Samantha’s Yashoda Movie | వినూత్న క‌థ‌ల‌ను ఎంచుకుంటూ వైవిధ్య పాత్ర‌ల్లో న‌టిస్తూ ప్రేక్ష‌కుల‌లో ప్ర‌త్యేక గుర్తింపు తెచ్చుకున్న న‌టి స‌మంత‌. ‘ఏమాయ చేశావే’ సినిమాతో ప్రేక్ష‌కుల‌ను మాయ చేసిన ఈ బ్యూటీ ప్ర‌స్తుతం చేతి నిండా ప్రాజెక్ట్‌ల‌తో బిజీగా ఉంది. ఇటీవ‌లే ఈమె న‌టించిన ‘క‌తు వాకుల రెండు కాద‌ల్’ చిత్రం విడుద‌లై మంచి విజ‌యం సాధించింది. ప్ర‌స్తుతం ఈమె తెలుగులో మూడు సినిమాల‌లో న‌టిస్తుంది. అందులో ‘య‌శోద’ ఒక‌టి. హ‌రీష్ శంక‌ర్‌, హ‌రీష్ నారాయ‌ణ్ సంయుక్తంగా ద‌ర్శ‌క‌త్వం వ‌హిస్తున్నారు. ఈ చిత్రంపై మొద‌ట్లో అంతగా అంచ‌నాలు లేవు. కానీ ఇటీవ‌లే విడుద‌లైన గ్లింప్స్ సినిమాపై క్యూరియాసిటీని పెంచాయి. ప్ర‌స్తుతం షూటింగ్‌ శ‌ర‌వేగంగా జ‌రుపుకుంటున్న ఈ చిత్రం ఆగ‌స్టు 12న విడుద‌ల కానున్న‌ట్లు మేక‌ర్స్ గ‌తంలోనే ప్ర‌క‌టించారు.

అయితే తాజాగా టాలీవుడ్ వ‌ర్గాల స‌మాచారం ప్ర‌కారం సినిమా విడుద‌ల వాయిదా ప‌డ‌నుంద‌ట‌. షూటింగ్ కార‌ణంగా సినిమా రిలీజ్ డేట్ పోస్ట్ పోన్ కానున్న‌ట్లు స‌మాచారం. దీనిపై త్వ‌ర‌లోనే అధికారికంగా ప్ర‌క‌ట‌న రానుంది. ఈ చిత్రంలో వ‌ర‌ల‌క్ష్మీ శ‌ర‌త్‌కుమార్, ఉన్నీ ముకుంద‌న్ కీల‌క‌పాత్ర‌లో న‌టిస్తున్నారు. మ‌ణిశ‌ర్మ సంగీతం అందిస్తున్న ఈ చిత్రాన్ని శ్రీదేవీ మూవీస్ ప‌తాకంపై శివ‌లెంక కృష్ణ ప్ర‌సాద్ నిర్మిస్తున్నాడు. సై-ఫై థ్రిల్ల‌ర్‌గా తెర‌కెక్కుతున్న ఈ చిత్రం పాన్ ఇండియా లెవల్లో రూపొందుతుంది. ప్ర‌స్తుతం స‌మంత గుణ‌శేఖ‌ర్ ద‌ర్శ‌క‌త్వంలో శాకుంత‌లం సినిమా చేస్తుంది. ఇప్ప‌టికే విడుద‌లైన ప్ర‌మోష‌న‌ల్ పోస్ట‌ర్‌కు ప్రేక్ష‌కుల నుండి విశేష స్పంద‌న వ‌చ్చింది. దీనితో పాటుగా విజ‌య్ దేవ‌ర‌కొండ‌తో క‌లిసి ఖుషిలో న‌టిస్తుంది. శివ నిర్వాణ ద‌ర్శ‌క‌త్వం వ‌హిస్తున్న ఈ చిత్రం ప్ర‌స్తుతం షూటింగ్ జ‌రుపుకుంటుంది.