‘ఫ్యామిలీమ్యాన్-2’ సిరీస్లో తమిళ రెబెల్ రాజీ పాత్రలో విలక్షణ అభినయాన్ని కనబరిచి మెప్పించింది సమంత. ఈ సిరీస్ ద్వారా దేశవ్యాప్తంగా చక్కటి గుర్తింపును సొంతం చేసుకున్నదామె. తాజాగా హిందీలో మరో చక్కటి అవకాశాన్ని దక్కించుకున్నది సమంత. ‘ఫ్యామిలీమ్యాన్’ దర్శకద్వయం రాజ్-డీకే ‘సిటాడెల్’ పేరుతో కొత్త వెబ్సిరీస్ను తెరకెక్కించబోతున్నారు. స్పై థ్రిల్లర్ కథాంశంతో రూపుదిద్దుకోనున్న ఈ సిరీస్లో బాలీవుడ్ హీరో వరుణ్ ధావన్, సమంత కీలక పాత్రల్లో నటించనున్నారు. ఈ సిరీస్ ద్వారా తొలిసారి వీరు జోడీకట్టబోతుండటం గమనార్హం. ఇందులో వరుణ్ ధావన్, సమంత గూఢచారులుగా కనిపించబోతున్నట్లు సమాచారం. ఇద్దరి పాత్రలు శక్తివంతంగా ఉంటాయని చెబుతున్నారు. భారీ యాక్షన్ ఎంటర్టైనర్గా తెరకెక్కనున్న ఈ సిరీస్లో పోరాట ఘట్టాలకు హాలీవుడ్ స్టంట్ డైరెక్టర్స్ పనిచేయబోతున్నట్లు తెలిసింది. ఈ యాక్షన్ ఎపిసోడ్స్ కోసం సమంత, వరుణ్ధావన్ విదేశాల్లో ప్రత్యేకంగా శిక్షణ తీసుకోనున్నట్లు తెలిసింది. వచ్చే ఏడాది ఈ సిరీస్ సెట్స్పైకిరానున్నట్లు సమాచారం. ఇదే సిరీస్ హాలీవుడ్లోనూ రూపొందనున్నది. ఇందులో ప్రియాంక చోప్రా కీలక పాత్రను పోషిసున్నది.