అగ్ర కథానాయిక సమంత ప్రస్తుతం నటనకు కాస్త విరామమిచ్చి ఆరోగ్యంపై శ్రద్ధ తీసుకుంటున్నది. సోషల్మీడియాలో మాత్రం తరచుగా అభిమానులతో టచ్లో ఉంటున్నది. తాజాగా ఈ భామ తన ఇన్స్టాగ్రామ్ ఖాతాలో పెట్టిన పోస్ట్ అందరి దృష్టిని ఆకర్షిస్తున్నది. ఫ్లవర్ బొకేను (పుష్పగుచ్ఛం) ముందుపెట్టుకొని చూస్తున్న ఓ ఫొటోను షేర్ చేసిన సమంత..దానిపై ఓ ఇంట్రెస్టింగ్ కామెంట్ రాసింది. ‘నాకు పువ్వులంటే చాలా ఇష్టం. కానీ అలర్జీ కారణంగా వాటికి దూరంగా ఉండాల్సి వస్తున్నది.
అందుకే ఫ్లవర్ బొకేలను చూస్తే చాలు మనసులో రకరకాల భావాలు మెదలుతాయి. నా శరీరానికి ఈ ఫ్లవర్స్ పడవు. ఈ బొకేల వల్ల గతంలో ఓసారి ఎమర్జెన్సీ రూమ్కు వెళ్లాల్సి వచ్చింది. అందుకే ఇవంటే భయం’ అని పేర్కొంది. ప్రస్తుతం ఈ పోస్ట్ సోషల్మీడియాలో వైరల్గా మారింది. గత ఏడాది ‘ఖుషి’ తర్వాత తెలుగులో మరే చిత్రాన్నీ అంగీకరించలేదు సమంత. హిందీలో మాత్రం ‘సిటాడెల్’ వెబ్సిరీస్లో నటిస్తున్నది.