Visit:
Samantha | టాలీవుడ్ స్టార్ హీరోయిన్‌గా ఓ వెలుగు వెలిగిన అందాల ముద్దుగుమ్మ సమంత. చూడ చ‌క్క‌ని అందం, ఆక‌ట్టుకునే అభిన‌యంతో ఎంతో మంది మ‌న‌సుల‌ని దోచుకుంది సమంత. కొన్నాళ్ల‌పాటు ఈ భామ ప‌ర్స‌న‌ల్ లైఫ్‌, కెరీర్ స‌జావుగానే సాగిన ఇటీవ‌ల మాత్రం కాస్త ట్రాక్ త‌ప్పింది. నాగ చైతన్యతో విడాకులు, మ‌యోసైటిస్ వ్యాధితో సమంత డిప్రెష‌న్‌లోకి వెళ్లింది. ఇప్పుడిప్పుడే కోలుకుంటుంది. నాగ చైతన్యతో విడాకులు తర్వాత సమంత తెలుగు సినిమాలు చేయడం కూడా తగ్గించేశారు. బాలీవుడ్ సినిమాలు చేయడానికి ఎక్కువ ఆసక్తి చూపిస్తున్న‌ట్టు అర్ధ‌మ‌వుతుంది.
సమంత హీరోయిన్‌గానే కాకుండా నిర్మాతగా కూడా ప్ర‌య‌త్నిస్తుంది. సామ్ ఫస్ట్ టైమ్ నిర్మాతగా చేసిన తొలి చిత్రం శుభం టీజర్ ఇటీవ‌ల విడుద‌లై మంచి రెస్పాన్స్ తెచ్చుకుంది. ‘త్రాలాలా మూవింగ్ పిక్చ ర్స్’ పేరుతో ఆమె సొంత ప్రొడక్షన్ హౌస్ ను స్థాపించి తొలి చిత్రంగా ‘శుభం మూవీని ప్రేక్షకుల ముందుకు తెస్తుంది. అయితే గ‌త కొద్ది రోజులుగా సమంత రెండో పెళ్లికి సంబంధించి చాలా వార్తలు వ‌స్తున్నాయి. బాలీవుడ్ దర్శకుడు రాజు నిడుమోరుతో డేటింగ్ చేస్తోన్నట్టు ప్రచారం జరుగుతోంది.వీరిద్దరు చాలాకాలంగా ప్రేమలో ఉన్నారని, త్వ‌ర‌లో పెళ్లి కూడా చేసుకుంటార‌ని అంటున్నారు.
తాజా స‌మాచారం ప్ర‌కారం సమంత, రాజ్‌ల పెళ్లి మేలో ఉంటుంద‌ని ఫిలిం న‌గ‌ర్‌లో జోరుగా ప్రచారం జ‌రుగుతుంది. ఇప్ప‌టికే ఇరు కుటుంబ స‌భ్యులు కూడా వీరి పెళ్లికి గ్రీన్ సిగ్న‌ల్ ఇచ్చార‌ని , ఇక పెళ్లి జ‌ర‌గ‌డమే త‌రువాయి అని అంటున్నారు. మ‌రి ఇందులో ఎంత నిజం ఉందో తెలియ‌దు కాని, ప్ర‌స్తుతం ఈ వార్త ఇంట‌ర్నెట్‌లో కూడా తెగ హ‌ల్‌చ‌ల్ చేస్తుంది. నాగ చైత‌న్య ఇప్ప‌టికే శోభిత‌ని వివాహం చేసుకొని సంతోషంగా వైవాహిక జీవితం గ‌డుపుతుంది. కాని చైతూ నుండి విడిపోయిన‌ప్ప‌టి నుండి సమంత సింగిల్‌గానే ఉంటుంది. ఆమె పెళ్లికి సంబంధించి ఎన్నో వార్తలు నెట్టింట హ‌ల్‌చ‌ల్ చేస్తున్నా కూడా దీనిపై సమంత ఇంత వ‌ర‌కు స్పందించింది లేదు.
