Salman Khan | యూట్యూబ్‌లో అడుగుపెట్టిన సల్మాన్ ఖాన్.. కోచ్‌గా, స్టూడెంట్‌గా భాయ్ సందడి!

Salman Khan Launches YouTube | బాలీవుడ్ సూపర్‌స్టార్ సల్మాన్ ఖాన్ అధికారికంగా తన సొంత యూట్యూబ్ ఛానెల్‌ను ప్రారంభించారు.

Salman Khan Launches YouTube | బాలీవుడ్ సూపర్‌స్టార్ సల్మాన్ ఖాన్ అధికారికంగా తన సొంత యూట్యూబ్ ఛానెల్‌ను ప్రారంభించారు. ‘బీయింగ్ ది సల్మాన్ ఖాన్’ (Being The Salman Khan) పేరుతో లాంచ్ చేసిన ఈ ఛానెల్ ద్వారా అభిమానులకు తన నటన శైలి, బాడీ లాంగ్వేజ్, మేనరిజమ్స్‌కు సంబంధించిన ప్రత్యేకమైన కంటెంట్‌ను అందించబోతున్నాడు.

తన ఇన్‌స్టాగ్రామ్ స్టోరీ ద్వారా ఈ కొత్త ఛానెల్ లింక్‌ను షేర్ చేస్తూ ఆయన అభిమానులను ఆహ్వానించారు. ఈ ఛానెల్‌లో సల్మాన్ ఖాన్ రెండు విభిన్న పాత్రల్లో కనిపించనున్నారు. ఒకరిగా యాక్టింగ్ కోచ్‌గా వ్యవహరిస్తుండగా, మరొకరిగా నటనను అభ్యసించే విద్యార్థిగా కనిపించడం విశేషం. “శురు సే శురు కర్తే హై.. నా అధికారిక యూట్యూబ్ ఛానెల్. ఏ నుంచి జెడ్ వరకు అన్నీ ఇక్కడే దొరుకుతాయి” అంటూ సల్మాన్ ఖాన్ తన పోస్ట్‌లో పేర్కొన్నారు. అలియా భట్, ప్రియాంక చోప్రా, కార్తీక్ ఆర్యన్ వంటి పలువురు ప్రముఖ బాలీవుడ్ సెలెబ్రిటీల బాటలోనే సల్మాన్ కూడా ఇప్పుడు యూట్యూబ్ వేదికగా అభిమానులకు మరింత చేరువవుతున్నారు. ఇక సినిమాల విషయానికి వస్తే, ప్రస్తుతం పైడిప‌ల్లి వంశీ ద‌ర్శ‌క‌త్వంలో ఒక సినిమా చేస్తున్నాడు. దీనితో పాటు అపూర్వ లఖియా దర్శకత్వంలో చిత్రంగా రూపొందుతున్న ‘మాతృభూమి’ చిత్రంలో చిత్రంగదా సింగ్‌తో కలిసి సల్మాన్ నటిస్తున్నారు. ఈ చిత్రానికి సంబంధించిన విడుదల తేదీ త్వరలోనే వెల్లడికానుంది.