ప్రేమలో దురదృష్టవంతుణ్ణి!

బాలీవుడ్‌ ఇండస్ట్రీలో మోస్ట్‌ ఎలిజిబుల్‌ బ్యాచిలర్‌ ఎవరంటే ఠక్కున సల్మాన్‌ఖాన్‌ పేరు గుర్తుకొస్తుంది. యాభయ్యవ పడిలో కూడా ఆయన ఇంకా బ్రహ్మచారిగానే జీవితాన్ని సాగిస్తున్నారు. అయితే తనకు ప్రేమ వ్యవహారాలు కలిసిరాలేదని, ఓ రకంగా ప్రేమ జీవితంలో తాను దురదృష్టవంతుడనని సల్మాన్‌ఖాన్‌ చెప్పుకొచ్చారు. ‘ఆప్‌ కీ అదాలత్‌' అనే టాక్‌షోలో పాల్గొన్న ఆయన తన లవ్‌లైఫ్‌ గురించి ఆసక్తికరమై విషయాల్ని వెల్లడించారు.

బాలీవుడ్‌ ఇండస్ట్రీలో మోస్ట్‌ ఎలిజిబుల్‌ బ్యాచిలర్‌ ఎవరంటే ఠక్కున సల్మాన్‌ఖాన్‌ పేరు గుర్తుకొస్తుంది. యాభయ్యవ పడిలో కూడా ఆయన ఇంకా బ్రహ్మచారిగానే జీవితాన్ని సాగిస్తున్నారు. అయితే తనకు ప్రేమ వ్యవహారాలు కలిసిరాలేదని, ఓ రకంగా ప్రేమ జీవితంలో తాను దురదృష్టవంతుడనని సల్మాన్‌ఖాన్‌ చెప్పుకొచ్చారు. ‘ఆప్‌ కీ అదాలత్‌’ అనే టాక్‌షోలో పాల్గొన్న ఆయన తన లవ్‌లైఫ్‌ గురించి ఆసక్తికరమై విషయాల్ని వెల్లడించారు. తన ప్రేమ వైఫల్యాలకు మాజీ ప్రేయసిలను నిందించనని, తప్పంతా తనదేనని ఒప్పుకున్నారు.

ఆయన మాట్లాడుతూ ‘నేను చాలా మంది అమ్మాయిలతో ప్రేమాయణాల్ని సాగించాను. కానీ ఎందుకో అదృష్టం కలిసిరాలేదు. వారంతా నన్నొదిలిపెట్టి వెళ్లి పోయారు కాబట్టి అందరూ నాదే తప్పనుకుంటున్నారు. అది నిజమే కావొచ్చు. నేను భద్రమైన జీవితాన్ని ఇవ్వలేనని వెళ్లిపోయిన వారు భావించారేమో. ఈ విషయంలో నాకు ఎలాంటి పశ్చాత్తాపం లేదు. నా మాజీ ప్రేయసీలు జీవితంలో బాగా సెటిలైపోయారు’ అని సల్మాన్‌ఖాన్‌ చెప్పుకొచ్చారు. ఆయన కథానాయకుడిగా నటించిన ‘కిసీ కా భాయ్‌ కిసీ కీ జాన్‌’ చిత్రం ఇటీవలే ప్రేక్షకుల ముందుకొచ్చింది.