Visit:
HIT 3 | స్టార్ న‌టుడు నాని నటించిన తాజా చిత్రం ‘హిట్- 3’ (హిట్ : ది థర్డ్ కేస్) బాక్సాఫీస్ వద్ద భారీ విజయాన్ని నమోదు చేసిన విష‌యం తెలిసిందే. శైలేష్ కొలను ద‌ర్శ‌క‌త్వంలో వ‌చ్చిన ఈ చిత్రం ఇప్ప‌టికే రూ.100 కోట్ల వ‌సూళ్ల‌ను రాబ‌ట్టి రూ.150 కోట్ల దిశ‌గా దూసుకెళుతుంది. అయితే ఈ సినిమా ఇంత‌టి ఘ‌న‌విజ‌యం సాధించిన సంద‌ర్భంగా ద‌ర్శ‌కుడు శైలేష్ కొలను తిరుమల శ్రీవారిని ద‌ర్శించుకున్నాడు. ఈ విషయాన్ని ఎక్స్‌లో తెలుపుతూ త‌న కొడుకు అభయ్ దేవుడితో మాట్లాడడంటూ ఆస‌క్తిక‌ర విషయాన్ని పంచుకున్నాడు.
నిన్న తిరుమలలో నా జీవితంలోనే అద్భుతమైన దర్శనం చేసుకున్నాను. నా కొడుకు అభయ్‌కి ధన్యవాదాలు. రాత్రి స్వాతి, నేను మా గదిలో ఉండగా, అకస్మాత్తుగా అభయ్ ఏదో మాట్లాడుతున్నట్లు విన్నాము. వాడు ఒక స్వామి వారి తాళపు చెవి గుత్తిని పట్టుకుని, ఆ స్వామిని తమ ఇంటికి వచ్చి తమతో ఉండమని అడుగుతూ ఉండటం చూసి మేమిద్దరం ఆశ్చర్యపోయాము. వాడు ఎంతటి అమాయకత్వంతో దేవుడితో మాట్లాడుతున్నాడో చూస్తుంటే చాలా ప్రత్యేకంగా అనిపించింది. ఈ ఉదయం మేము దర్శనం పూర్తి చేసుకుని బయలుదేరుతుండగా, అక్కడి అర్చకులు అభయ్‌ని తిరిగి పిలిచి మమ్మల్ని అందరినీ అక్కడ 10 నిమిషాలు ఉండమని చెప్పారు. తిరుమల గర్భగుడిలో 10 నిమిషాలు!! ఇది కలలో కూడా ఊహించలేనిదిగా అనిపించింది. అభయ్‌కి ఆ భగవంతుడు ఇచ్చిన బహుమతిలా అనిపించింది. నమో వేంకటేశాయ. అంటూ శైలేష్ రాసుకోచ్చాడు.
Had the best darshan of my life at Tirumala today. Thanks to Abhay. Swathi and I were in our room last night and suddenly heard Abhay talking something. We were surprised to see him hold a swamy keychain in his hand and talking to it asking the lord to come home with him and live… pic.twitter.com/6grOp80qvy
— Sailesh Kolanu (@KolanuSailesh) May 8, 2025
