Ranga Ranga Vaibhavanga | ‘రంగ‌రంగ వైభ‌వంగా’ ప్రీ రిలీజ్ ఈవెంట్‌కు గెస్ట్‌లుగా మెగా హీరోలు

Ranga Ranga Vaibhavanga Pre-Release | మెగా హీరో వైష్ణ‌వ్ తేజ్ ఉప్పెన‌తో సినిమాల్లోకి గ్రాండ్‌గా ఎంట్రీ ఇచ్చాడు. మెగా ట్యాగ్‌తో ఇండ‌స్ట్రీలోకి వ‌చ్చిన త‌న న‌ట‌న‌, అభిన‌యంతో మొద‌టి సినిమాతోనే ప్రేక్ష‌కుల‌లో ప్రత్యేక గుర్తింపును తెచ్చుకున్నాడు. ఇక ఆ త‌ర్వాత వ‌చ్చిన కొండ‌పొలం ప్రేక్ష‌కుల‌ను తీవ్రంగా నిరాశ‌ప‌రిచింది. విడుద‌లైన వారంలోపే ఈ చిత్రం థియేట‌ర్ల‌లో నుండి వెళ్ళిపోయింది. ఇక ప్ర‌స్తుతం వైష్ణ‌వ్ తేజ్ రంగ‌రంగ వైభ‌వంగా సినిమాతో ప్రేక్ష‌కుల‌ను ప‌ల‌క‌రించడానికి సిద్ధ‌మ‌య్యాడు. గిరీశ‌య్య ద‌ర్శ‌క‌త్వం వ‌హించిన ఈ చిత్రం సెప్టెంబ‌ర్ 2న విడుద‌ల కానుంది. ఇప్ప‌టికే చిత్రం నుండి విడుద‌లైన పాట‌లు, ట్రైల‌ర్‌ సినిమాపై విప‌రీత‌మైన అంచ‌నాల‌ను క్రియేట్ చేశాయి. ప్ర‌స్తుతం చిత్ర‌బృందం వ‌రుస ప్ర‌మోష‌న్ల‌తో బిజీగా గ‌డుపుతున్నారు.

ప్ర‌మోష‌న్‌లో భాగంగా ఈ సినిమా ప్రీ రిలీజ్ ఈవెంట్ మంగ‌ళ‌వారం హైద‌రాబాద్‌లోని పార్క్ హ‌య‌త్ హోట‌ల్‌లో సాయంత్ర 5 గంట‌ల‌కు జ‌రుగనుంది. ఈ క్రమంలో చిత్ర బృందం గెస్ట్‌ల‌ను ప్ర‌క‌టించింది. ప్రీ రిలీజ్ ఈవెంట్‌కు గెస్ట్‌లుగా సాయిధ‌ర‌మ్ తేజ్‌, వ‌రుణ్ తేజ్ రానున్నట్లు మేక‌ర్స్ ప్ర‌క‌టించారు. మెగా యువ హీరోలు ఒకే వేదిక‌పైకి రానుండ‌టంతో అభిమానులు సంతోషం వ్య‌క్తం చేస్తున్నారు. ఫ్యామిలీ ఎంట‌ర్టైన‌ర్‌గా తెర‌కెక్కిన ఈ చిత్రంలో కేతికశ‌ర్మ హీరోయిన్‌గా నటించింది. శ్రీ వెంక‌టేశ్వ‌రా సినీ చిత్ర బ్యాన‌ర్‌పై బీవీఎస్ఎన్ ప్ర‌సాద్ ఈ చిత్రాన్ని నిర్మించాడు.

Supreme Hero @IamSaiDharamTej and Mega Prince @IAmVarunTej for #PanjaVaisshnavTej✨#RangaRangaVaibhavanga Pre Release Event Today @ 5pm!

🎟️https://t.co/upqfSM2ESo@TheKetikaSharma @GIREESAAYA @ThisIsDSP @SVCCofficial #BVSNPrasad @SonyMusicSouth @shreyasgroup pic.twitter.com/Ciai2nCCzk

— Shreyas Media (@shreyasgroup) August 30, 2022