నెగెటివ్‌ ప్రచారాన్ని తిప్పికొట్టాం!

దర్శకుడిగా, రచయితగా, నిర్మాతగా విజయవంతమైన సినీ ప్రయాణాన్ని కొనసాగిస్తున్నారు సాయిరాజేష్‌. హృదయకాలేయం, కొబ్బరిమట్ట, బేబి చిత్రాలతో డైరెక్టర్‌గా.. కలర్‌ఫొటో, చెన్నై లవ్‌స్టోరీ సినిమాలతో రచయితగా సత్తాచాటారాయన. మరో నిర్మాత ఎస్‌కేఎన్‌తో కలిసి సాయిరాజేష్‌ నిర్మించిన ‘చెన్నైలవ్‌స్టోరీ’ ఇటీవలే విడుదలై బాక్సాఫీస్‌ వద్ద యాభైకోట్ల వసూళ్లను రాబట్టింది.

దర్శకుడిగా, రచయితగా, నిర్మాతగా విజయవంతమైన సినీ ప్రయాణాన్ని కొనసాగిస్తున్నారు సాయిరాజేష్‌. హృదయకాలేయం, కొబ్బరిమట్ట, బేబి చిత్రాలతో డైరెక్టర్‌గా.. కలర్‌ఫొటో, చెన్నై లవ్‌స్టోరీ సినిమాలతో రచయితగా సత్తాచాటారాయన. మరో నిర్మాత ఎస్‌కేఎన్‌తో కలిసి సాయిరాజేష్‌ నిర్మించిన ‘చెన్నైలవ్‌స్టోరీ’ ఇటీవలే విడుదలై బాక్సాఫీస్‌ వద్ద యాభైకోట్ల వసూళ్లను రాబట్టింది. ఈ నేపథ్యంలో గురువారం చిత్ర కథారచయిత, నిర్మాత సాయిరాజేష్‌ విలేకరులతో ముచ్చటించారు.

• ‘చెన్నైలవ్‌స్టోరీ’ ప్రీమియర్స్‌ వేసినప్పుడు కొన్ని సన్నివేశాల్లో ప్రేక్షకుల నుంచి మేము అనుకున్న హైరెస్పాన్స్‌ కనిపించలేదు. దాంతో కాస్త భయపడ్డాం. రెండుమూడురోజుల తర్వాత సినిమాపై పూర్తి పాజిటివ్‌ బజ్‌ క్రియేట్‌ అయింది.
• ఈ సినిమా విషయంలో మొదటి రెండు రోజులు సోషల్‌మీడియాలో నెగెటివ్‌ ప్రచారం జరిగింది. కొంతమంది వాకౌట్‌ అంటూ ప్రచారం చేశారు. నిజంగా ప్రేక్షకులు వాకౌట్‌ చేస్తే 50కోట్ల్ల వసూళ్లు దక్కేవి కాదు కదా. సోషల్‌మీడియా నెగెటివ్‌ కాంపెయిన్‌ను తిప్పికొట్టడానికి మేము కూడా ప్రచారాన్ని ముమ్మరం చేశాం. ప్రేక్షకుల నిజమైన స్పందన ఎలా ఉందో సోషల్‌మీడియా ద్వారానే చూపించాం. ఇక కథాపరంగా ‘కలర్‌ ఫొటో’ ‘బేబి’ కంటే నాకు ఎక్కువ సంతృప్తినిచ్చిన చిత్రమిది. షాకింగ్‌ ఎలిమెంట్స్‌తో నేను రాసుకున్న కథను ప్రేక్షకులు బాగా ఆదరించారు.
• నిజ జీవితాల్లోనుంచే ఇలాంటి కథలొస్తుంటాయి. వ్యక్తిగత జీవితంలో బాధను అనుభవించినప్పుడే ఎమోషనల్‌ లవ్‌స్టోరీస్‌ రాయగలం. నా లైఫ్‌లోనూ ఎంతో పెయిన్‌ను అనుభవించాను. అయితే నాది మాత్రం సక్సెస్‌ఫుల్‌ లవ్‌స్టోరీ. ‘కలర్‌ఫొటో’ సినిమాలో చివరి 30నిమిషాలు తప్ప సీన్‌ టూ సీన్‌ నా ఇంటర్మీడియట్‌ జీవితంలో జరిగిందే చూపించా. ప్రస్తుతం మరో హృద్యమైన ప్రేమకథకు స్క్రిప్ట్‌ సిద్ధం చేస్తున్నా.
• ‘బేబి’ సినిమా దర్శకుడిగా నా అస్తిత్వానికి పరీక్ష. ఆ సినిమా సక్సెస్‌కాకుంటే నా కెరీర్‌ ఉండేది కాదు. ‘బేబి’ హిందీ రీమేక్‌ వల్ల దర్శకుడిగా మరో సినిమా చేయడం లేదు. ప్రస్తుతం రైటర్‌గా, ప్రొడ్యూసర్‌గా చాలా సంతోషంగా ఉన్నా. నా కథను బాగా తీయగల దర్శకులు ఉంటే అవకాశమిచ్చి ప్రోత్సహిస్తా.
• ‘చెన్నై లవ్‌స్టోరీ’ విజయం పట్ల చిరంజీవిగారు సంతోషం వ్యక్తం చేస్తూ నాకు మెసేజ్‌ పెట్టారు. మరోసారి 50కోట్ల గ్రాసర్‌ మూవీ చేశారని అభినందించారు. అల్లు అర్జున్‌గారు ఈ వారంలోనే సినిమా చూడబోతున్నారు. ఇక సాహిత్యపరంగా ముళ్లపూడి, యండమూరి వీరేంద్రనాథ్‌ను బాగా అభిమానిస్తాను. బాలచందర్‌గారి సినిమాల్లోని గ్రే క్యారెక్టర్స్‌ నన్ను బాగా ప్రభావితం చేస్తుంటాయి. ఈ ఏడాది అక్టోబర్‌ తర్వాత నా దర్శకత్వంలో తెలుగు సినిమా ప్రకటిస్తాను.