Roshan Kanakala | మరో డిఫరెంట్ జానర్‌తో రాబోతున్న రోషన్ కనకాల.. ఈసారి వీఐ ఆనంద్ కథతో కొత్త ప్రయోగం!

Roshan Kanakala | టాలీవుడ్‌లో యంగ్ హీరోగా తనకంటూ ప్రత్యేక గుర్తింపు తెచ్చుకునే ప్రయత్నం చేస్తున్నాడు రోషన్ కనకాల. ప్రముఖ యాంకర్ సుమ కనకాల, నటుడు రాజీవ్ కనకాల తనయుడిగా ఇండస్ట్రీలోకి అడుగుపెట్టిన రోషన్.. తొలి సినిమాల నుంచే విభిన్నమైన కథలను ఎంచుకుంటూ ముందుకు సాగుతున్నాడు.

Roshan Kanakala | టాలీవుడ్‌లో యంగ్ హీరోగా తనకంటూ ప్రత్యేక గుర్తింపు తెచ్చుకునే ప్రయత్నం చేస్తున్నాడు రోషన్ కనకాల. ప్రముఖ యాంకర్ సుమ కనకాల, నటుడు రాజీవ్ కనకాల తనయుడిగా ఇండస్ట్రీలోకి అడుగుపెట్టిన రోషన్.. తొలి సినిమాల నుంచే విభిన్నమైన కథలను ఎంచుకుంటూ ముందుకు సాగుతున్నాడు. ఇప్పటికే ‘బబుల్ గమ్’, ‘మోగ్లీ’ వంటి సినిమాలతో ప్రేక్షకులకు దగ్గరయ్యే ప్రయత్నం చేశాడు. ఒక్కో సినిమాకు ఒక్కో డిఫరెంట్ సబ్జెక్ట్‌ను ఎంచుకుంటూ తనలోని నటుడిని కొత్తగా ఆవిష్కరించుకుంటున్నాడు. ఇప్పుడు తన తదుపరి సినిమాతో మరో కొత్త జానర్‌లో ప్రేక్షకులను అలరించేందుకు సిద్ధమవుతున్నాడు. ఈసారి ప్రముఖ దర్శకుడు వీఐ ఆనంద్ అందించిన కథతో రోషన్ కనకాల కొత్త సినిమా చేయబోతుండటం ఆసక్తికరంగా మారింది.

విభిన్నమైన కథాంశాలతో సినిమాలు తెరకెక్కించడంలో దర్శకుడు వీఐ ఆనంద్‌కు ప్రత్యేక గుర్తింపు ఉంది. ‘ఎక్కడికి పోతావు చిన్నవాడా’, ‘ఒక్క క్షణం’, ‘డిస్కో రాజా’ వంటి సినిమాలతో ఆయన తనదైన ముద్ర వేశారు. ముఖ్యంగా కొత్త కాన్సెప్టులు, ఆసక్తికరమైన కథనాలతో ప్రేక్షకులను ఆకట్టుకోవడం ఆయన శైలి. ఇప్పుడు అలాంటి దర్శకుడు అందించిన కథతో రోషన్ కనకాల ఓ సినిమా చేయబోతున్నాడు.ఈ చిత్రానికి విజయ్ కే కామిశెట్టి దర్శకత్వం వహించనున్నారు. వీఐ ఆనంద్ కథ అందిస్తుండటంతో ఈ సినిమాపై ఆసక్తి నెలకొంది. సాధారణ కమర్షియల్ కథలకు భిన్నంగా ఏదైనా కొత్త కాన్సెప్ట్‌తో ఈ మూవీ తెరకెక్కనుందా? అనే చర్చ మొదలైంది. అయితే సినిమా కథాంశం, జానర్‌కు సంబంధించిన పూర్తి వివరాలు ఇంకా వెల్లడించలేదు.

ఈ కొత్త ప్రాజెక్ట్‌కు సంబంధించిన ప్రీ లుక్ పోస్టర్‌ను చిత్రబృందం విడుదల చేసింది. ఈ పోస్టర్ సినిమాపై ఆసక్తిని పెంచుతోంది. రోషన్ ఈసారి ఎలాంటి పాత్రలో కనిపించబోతున్నాడు? దర్శకుడు విజయ్ కే కామిశెట్టి అతడిని ఎలా చూపించబోతున్నారు? అన్న ప్రశ్నలు అభిమానుల్లో మొదలయ్యాయి. ప్రీ లుక్‌తోనే సినిమాపై కొంత క్యూరియాసిటీ క్రియేట్ చేయడంలో మేకర్స్ సక్సెస్ అయ్యారని చెప్పొచ్చు.
ఇప్పటికే ‘బబుల్ గమ్’తో యూత్‌కు దగ్గరైన రోషన్, ‘మోగ్లీ’తో మరో విభిన్నమైన ప్రయత్నం చేశాడు. ఇప్పుడు వీఐ ఆనంద్ కథతో వస్తుండటంతో తన కెరీర్‌లో మరో కొత్త ప్రయోగం చేయబోతున్నాడనే అంచనాలు ఏర్పడుతున్నాయి. ఈ సినిమాను బాలాజీ గుట్ట, కౌశిక్ రెడ్డి సంయుక్తంగా నిర్మించనున్నారు. ప్రస్తుతం ఈ ప్రాజెక్టుకు సంబంధించిన ప్రీ లుక్ మాత్రమే బయటకు వచ్చింది. మిగతా నటీనటులు, సాంకేతిక బృందం, హీరోయిన్, సంగీత దర్శకుడు వంటి వివరాలను చిత్రబృందం ఇంకా ప్రకటించాల్సి ఉంది. అలాగే సినిమా రెగ్యులర్ షూటింగ్ ఎప్పుడు ప్రారంభమవుతుంది? విడుదల ఎప్పుడు ఉంటుంది? అనే విషయాలపై కూడా అధికారిక సమాచారం రావాల్సి ఉంది.