Roja selvamani | తెలుగుతో పాటు తమిళ, కన్నడ భాషల్లో 100 సినిమాలకు పైగా నటించిన అనుభవం రోజా సొంతం. ఆ తర్వాత రాజకీయాల్లోకి వెళ్లి అక్కడ కూడా తనదైన ముద్ర వేసింది ఈమె. ప్రస్తుతం అధికార వైసీపీ పార్టీలో ఎమ్మెల్యే హోదాలో ఉన్నారు రోజా. ఓ వైపు తన నగరి నియోజకవర్గం పనులు చూసుకుంటూనే.. మరోవైపు జబర్దస్త్ కామెడీ షోకి డేట్స్ ఇస్తుంది రోజా. దాంతో పాటు ఈటీవీలో జరిగే స్పెషల్ ఈవెంట్స్ లో కూడా పాల్గొంటుంది. దాదాపు 30 ఏండ్ల కెరీర్లో చిన్న హీరోలు, స్టార్ హీరోలు అనే తేడా లేకుండా అందరితో నటించింది. ఇప్పుడు రాజకీయాల్లో బిజీ కావడంతో గత తొమ్మిదేండ్లుగా సినిమాలకు దూరంగా ఉంది. అవకాశాలు వస్తున్నా కూడా ఒప్పుకోవడం లేదు. ఆ మధ్య బాలయ్య సినిమాలో ఒక కీలక పాత్ర కోసం అడిగినా కూడా ప్రస్తుతం ఉన్న పరిస్థితుల దృష్ట్యా రోజా ఆ సినిమా ఒప్పుకోలేదు. కేవలం అది మాత్రమే కాదు ఇంకా కొన్ని అవకాశాలు వచ్చినా కూడా ఈమె కాదనుకుంది. ఇదిలా ఉంటే తనకు ఓ హీరోతో నటించాలని ఉంది అంటూ మనసులో మాట బయట పెట్టింది రోజా. ఆయనతో నటించడానికి ఎన్నో సంవత్సరాల నుంచి వేచి చూస్తున్నాను అంటుంది ఈమె.
అంతేకాదు తన కోరికను ఆ వెంకటేశ్వర స్వామికి చెప్పుకుంది రోజా. ఎప్పటికైనా ఆయన సినిమాలో నటించే అవకాశం ఇప్పించు దేవుడా అంటూ వేడుకుంటుంది రోజా. అంతగా నటించాలని కోరుకుంటుందో తెలుసా..? ఈ తరం సూపర్ స్టార్ మహేశ్ బాబు. ఆయనంటే రోజాకు చాలా ఇష్టం. ఈ విషయం ఎన్నోసార్లు చెప్పింది ఈమె. తనకు మహేశ్ బాబు అంటే పిచ్చి అంటూ ఓపెన్ అయిపోయింది రోజా. కృష్ణ గారికి మాత్రమే కాదు మహేశ్ బాబుకి అంతకంటే పెద్ద అభిమానిని అంటూ క్లారిటీ ఇచ్చింది. ఆయనతో నటించే అవకాశం కోసం వేచి చూస్తున్నట్లు చెప్పింది రోజా. మరి ఆ అవకాశం ఈమెకు ఏ దర్శకుడు ఇస్తాడో చూడాలి.